Odolki-hasierakoak errege-sagar konpotarekin eta SeleQtia onddoekin

Sagarra zuritu eta dado txiki-txikitan moztuta zartagin batean salteatuko dugu konpota egin arte. Gero, hozten utziko dugu eta ardo gozoan bustitako mahaspasa batzuk, txigortutako pinazi zatituak eta arrautza baten gorringoa botako dizkiogu eta arroz-odolkiarekin nahastuko dugu dena. Bolatxoak egin eta hozkailuan sartuko ditugu 15 minutuz, trinkotzeko. Odolki-bolatxoak aurrez irabiatutako zuringora bota, eta, gero, hazi eta fruitu lehorrekin hautseztatuko ditugu. Kazola batean oliba-olio ugarirekin frijituko ditugu, kanpoaldetik horitzeko, eta, gero, sukaldeko paperezko erretilura atera, gehiegizko olioa kentzeko. Sagar-konpota fin batekin eta oliba-olio birjina estrarekin eta gatz pixka batekin salteatutako onddo-zatiekin zerbitzatuko dugu.