Oilasko-moussaka

Moussaka egiteko: zuritu eta zatitu patata xafla finetan. Egin gauza bera tipularekin. Jarri biak laberako erretilu batean eta ondu oliba-olio, gatz, piperbeltz eta ezkai pixka batekin. Berotu 180 ºC-tan 20 minutuz, gorritzen hasi arte. Denbora hori pasata, zatitu alberjinia xerratan, jarri gorritutako patataren gainean eta busti olioarekin. Berotu beste 20 minutuz. Errepikatu prozesua xaflatan moztutako kuiatxoarekin; jarri gorritutako alberjiniaren gainean, busti espeziadun olioarekin eta berotu beste 15 minutuz. Gorritu zartagin batean baratxuri-alea eta azenarioa, ongi txikituta. Gehitu zatitutako oilaskoa eta ilarrak, gatzpipertu eta egin 5 minutuz. Kendu sutik eta prestatu bexamela. Bexamela egiteko: sueztitu irina olioan eta berotu esnea beste katilu batean. Irina pixka bat txigortua dagoenean, gehitu esne beroa pixkanaka, irabiatzeari utzi gabe, pikorrik izan ez dezan. Errepikatu prozesua esnea amaitu arte, gehitu gazta arraspatua eta gatzpipertu. Batu bexamelaren ¼ oilasko olio errearekin eta hedatu betegarria labean egindako barazkien gainean, geruza uniformea sortu arte. Estali haragia gainerako bexamelarekin eta labean grillean berotu, 200 ºC-tan 15 minutuz, gainazala gorritu arte. Apaindu ezkaiarekin nahieran, eta lagundu osoko ogi txigortu pixka batekin eta jogurt natural batekin.