Oretu gabeko baserriko ogia

Bol handi batean, nahastu irinak eta gatza, eta legamia lehorra erabiltzen badugu, legamia lehorra ere nahastu (2 gr). Legamia freskoa erabiltzen badugu (6 gr) legamia uretan disolbatuko dugu. Isuri ura (legamia freskoa erabiltzen badugu, legamia disolbatuarekin) osagai lehorren gainera, eta nahastu ore homogeneoa izan arte. Bolaren barruan, 5 tolestura emango dizkiogu oreari. Tolestura bakoitzean ertzetik ore zati bat hartu, eta tolestu erdialdera, bola pixka bat biratuz, hurrengo tolesturari ekiteko. Orea loditzen utziko dugu 15 minutuz, eta tolesturak berriro egingo ditugu. Filmarekin estali eta hozkailuan sartuko dugu 12-24 orduz. Denbora horretan orearen bolumena bikoiztu egingo da Hurrengo egunean, orea hozkailutik atera, eta epeltzen utziko dugu ordu 1. Mahaia eta eskuak irinez ongi bete, eta orea leunki irauliko dugu, pieza bakarrean, irinaren gainera. Mahai gainean dugula, orearen alde bat tolestuko dugu erdialderantz; ondoren, beste aldea egindakoaren gainerantz tolestuko dugu. Orea 90 gradu biratu, eta tolesturak egingo ditugu berriz ere. Orea biratuko dugu, tolesturen itxitura behean gera dadin, eta eskuen ertzarekin, orea oinarrian barrurantz eramanez, bola itxura emango diogu pixkanaka. Bola estaliko dugu jalkitzen den bitartean, eta labea berotzen jarriko dugu Labea aurrez berotuko dugu, 200ºC-tara, goitik eta behera berotzen duela, eta laberako egokia den eltze bat sartuko dugu bere taparekin, 15 minutuz, aurrez berotu dadin. Eltzea aterako dugu eskularru on batzuk jantzita, eta kontu handiz, ore-bola barnean utziko dugu. Estali eta eltzea labera eramango dugu, 30 minutuz bertan edukiz. Tapa kendu, eta labean prestatzen utziko dugu beste 15 minutuz. Labetik atera, eta zeharo hoztu arte utziko dugu, parrilla baten gainean, ireki aurretik.