Eroski

Azenario- eta laranja-purea

Name: Azenario- eta laranja-purea
Total time: 45 min
Yield: 4
Ingredients: 400 g azenario Eroski NATUR; laranja bat; 250 g patata; 100 g porru; 50 g tipula; 2 baratxuri-ale; 3 koilarakada oliba-olio; Gatz pixka bat; 40 g ogi-txigorki

Lehenengo platera
0 View visita

Zailtasuna: Zailtasun txikia
Denbora: 30 minututik ordubetera

Descargar

kcal: 206 10%

Azukreak: 11g 12%

Koipeak: 8g 12%

Koipeak saturatuak: 1,3g 7%

Gatza: 0,6g 9%

/5 izar. 0 baloraziotan oinarrituta

Prestaketa

Laranja garbitu eta erdibitu egingo dugu; zukua atera eta gorde egingo dugu. Laranja zuritu eta azalaren alde horixkako zati finena eta laranjena bereiziko dugu. Bi koilarakada oliba-olio jarriko ditugu kazola batean, azala gehitu eta su ertainean edukiko dugu olioak laranjaren zaporea har dezan, baina azala gorritzera iritsi gabe. Laranja-zaporea hartu duen olioa iragazi eta gorde egingo dugu. Azal konfitatuak ere gorde egingo ditugu platera apaintzeko. Azenarioak eta patatak zuritu eta modu irregularrean zatituko ditugu. Gorde egingo ditugu. Tipula eta baratxuriak zuritu eta porruari lurra kenduko diogu. Barazkiak juliana julianan (zerrenda finetan) ebaki eta arin frijituko ditugu kazola batean laranja zaporeko olioarekin. Barazkiak prestatutakoan, azenarioak eta patatak gehituko ditugu, dena sueztitu eta urarekin eta laranja-zukuarekin estaliko dugu. Su moderatuan utziko dugu ordubetez estalitako kazola batean, egosketako salda lurrundu ez dadin. Ordubete igaro ondoren, irabiagailuarekin birrindu eta iragazki txinatarretik pasatuko dugu testura oso fineko krema lortzeko. Gatza bota eta koilarakada bat oliba-olio birjina gehituko diogu krema finago izan dadin. Zerbitzatzeko unean, ogi-txigorkiak eta aurretik frijitu eta zerrenda finetan moztutako laranja-azalak gehituko dizkiogu pureari.

Nutrizio-aholkua

Azenarioak A bitamina asko du, eta horrek ahalmen antioxidatzaile handia ematen dio. Gainera, burdin, kaltzio, iodo, zink, magnesio eta sodio asko du, eta baita B7, B9, C eta K bitaminak ere. Jakia lodiago izateko patata gehitzen zaio. Patatak karbohidrato asko ditu, eta baita proteinak, kaltzioa, zinka, sodioa, iodoa, zuntza, fosforoa eta B3, B9, C eta K bitaminak ere. Porruak, bestalde, K bitamina asko du, eta baita burdina, kaltzioa, zuntza, magnesioa, potasioa, sodioa eta A, B7, B9, C eta E bitaminak ere. Dezente kaloriako eta koipe-eduki moderatuko errezeta da, eta hori kontuan hartu behar da; hala ere, organismorako onuragarriak diren mantenugai ugari ditu.