Eroski

Luzoker-zopa

Name: Luzoker-zopa
Total time: 25 min
Yield: 4
Ingredients: 400 g luzoker; Jogurt natural bat; 350 ml barazki-salda edo ur; Baratxuri-ale bat; 40 g ogi-mami lehor; 30 ml oliba-olio birjina estra; 15 ml sagardo-ozpin

Lehenengo platera
0 View visita

Zailtasuna: Zailtasun hasiberrientzat
Denbora: 30 minutu baino gutxiago

Descargar

kcal: 125 6%

Azukreak: 3g 3%

Koipeak: 9g 12%

Koipeak saturatuak: 1,7g 8%

Gatza: 0,1g 1%

/5 izar. 0 baloraziotan oinarrituta

Prestaketa

Zopa hau gazpatxo zuria balitz bezala aurkeztuko dugu; gazpatxo tradizionalaren osagaiak erabiliko ditugu, baina tomaterik gabe. Horretarako, luzokerrak zuritu, zatitu eta irabiagailu-ontzi batean jarriko ditugu. Gero gehituko dizkiegu: ogi-mamia, ur hotzetan busti eta xukatu ondoren, baratxuri-alea, oliba-olioa, ozpin pixka bat, gatza eta jogurt naturalaren koilarakada batzuk zopa leuntzeko. Dena irabiatuko dugu krema bihurtu arte. Krema arindu egingo dugu ur oso hotza gehituta (edo barazki-salda oso hotza). Hozkailuan sartu eta ordubetez edukiko dugu zerbitzatu aurretik, fresko egon dadin. Zerbitzatu aurretik eragin eta oliba-olio zurrusta bat eta luzoker-zati batzuk piperrauts-gatzarekin gehituko dizkiogu.

Nutrizio-aholkua

Errezeta fresko, osasungarri eta elikagarria da. Luzokerra azalarentzako onurak dituen barazkia da; aipagarriak dira bere propietate kosmetikoak. Gainera, elikagai bikaina da: kaloria gutxi ditu, kaltzio, fosforo, potasio eta magnesio ugari eta baita burdina, iodoa eta zuntza ere, horiek kantitate txikiagoan. A, B9, C eta K bitaminen presentzia ere aipagarria da. Bestalde, purinak dituenez, azido uriko altua duten kontsumitzaileek saihestu egin behar dute. Errezeta honetan jogurtarekin eta barazki-saldarekin prestatzen da. Jogurtak kaltzioa eta A eta D bitaminak gehitzen dizkio eta testura ematen dio. Barazki-saldak, bestalde, A, D, E eta K bitamina liposolubleen kantitatea handitu egiten du. Errezeta elikagarria eta kontsumitzaile-kopuru handi batentzat egokia.