Txuleta erreak kalabaza-chutneyarekin

Txuletak erretzeko: 1.-Igurtzi labeko azpilaren gainazala Oliba-olio Birjina Estrarekin. Jarri txuletak, banatu berakatzak, perrexil-orri batzuk azpil guztian usaina emateko eta busti ardo zuriarekin. 2.-Aurrez labea berotuta labekatu 200ºC-tan, beroa goian eta behean dela, 50 minutu gutxi gorabehera, txuletei buelta emanez erdi eginean (25 minuturen buruan, atera azpila buelta emateko) eta gehitu Oliba-olio Birjina Estra eta gatz pixka bat. Kalabaza-chutneya prestatzeko Txuletak labean egin bitartean chutneya prestatuko dugu. 3.-Zartagin edo kazola batean gehitu Oliba-olio Birjina Estra txorrotatxo bat. Brunoise eran ebakitako tipula gorritu gatz pitin batekin 5 bat minutuz su ertain-goikoan. 4.-Ondoren bota kalabaza dado handitan ebakia eta gorritu beste 5 minutuz. 5.-Gozatu hauek botata: jengibrea, iltzeak, kanela adarrean, pipermin ebakia eta piperrautsa gustura. Nahastu 2 bat minutuz, ondo batuta gera daitezen osagai guztiak, kalabaza pixka bat hausteak ez dio axolarik. 6.-Gehitu kainaberako azukre beltz integrala eta gozokitu bete minutu batzuez. 7.-Bota pasak eta birrindu laranja garbitu bat, alde zuririk gabe, mikaztu ez dezan. Erantsi ozpina, eragin nahasteko eta prestatu estalita su ertainean 50 minutuz gutxi gorabehera. Noizean behin, eragin. 8.-Denbora pasatakoan, atera kanela-adarra eta iltzeak, eta zurezko edo silikonazko koilara batekin, hautsi eta zanpatu pixka bat kalabaza, zati handiak baldin badaude. 9.-Zerbitzatu plater batean, kalabaza-chutney bat oinarrian jarrita, gainean ezarri 4 txuleta erre, eta jarri oliba-olio birjina estrarekin, gatz eta ozpinarekin gozatutako entsalada. Gatz-ezkata batzuk zabaldu txuleten gain eta hautseztatu perrexil txikitua. Txuletetan jarri ditugun labean egindako berakatzak, ontzi batean jar daitezke edo platertxo batean, bakoitzak bere gustura har dezan.