Ukondoa eztiarekin, txukrutarekin eta patatekin

Tipula zuritu, garbitu eta julia eran moztuko dugu. Patatak zuritu, garbitu eta 1 cm-ko lodierarekin moztuko ditugu. Baratxuriak zanpatuko ditugu, azala eta guzti. Erretilua oliba-olio birjina estrarekin igurtziko dugu, eta tipula-geruza bat jarriko diogu gainean. Gatza botako diogu. Gainean patatak eta baratxuriak jarriko dizkiogu. Zurrutada bat oliba-olio birjina estra botako diogu, eta gatzaz eta piperraz onduko dugu. Oregano pixka bat botako diogu gainetik. Ardo zuria eta brandy-a nahastuko ditugu eta patatak nahastearekin bustiko ditugu. Ia salda guztia botako diogu, baina pixka bat utziko dugu geroko. Ukondoa pataten gainean jarriko dugu eta 30 minutuz labekatuko dugu, 180ºC-ra, labea aurrez berotu eta gero. 30 minutura erretilua labetik aterako dugu eta ukondoari buelta emango diogu. Patatei gainontzeko salda botako diegu, eta ukondoa eztiarekin bustiko dugu. 20 eta 30 minutu artean labekatuko dugu, ukondoa ondo gorritu arte. Txukruta berotuko dugu eta osagarri moduan aterako dugu.