Merkataritzasareko Zuzendari Nagusiaren gutuna
2015ean amaitutzat eman ditugu 2012an definitutako plan estrategikoan elikagaien merkataritza-sarea saneatzeko hasi genituen operazioak. Egon nahi genuen lekuan gaude orain.
• Denda-sarearen birmoldaketa EROSKI taldeko establezimenduen % 27ra heldu da dagoeneko.
• Guztira, belaunaldi berriko 387 denda ditugu: «Zurekin» merkataritza-eredu berrira eraldatutako 16 hipermerkatu eta 371 supermerkatu; horietatik 166 EROSKIren bereizgarriarekin, 159 denda CAPRABOren bereizgarriarekin Katalunian eta 46 denda FAMILIA bereizgarriarekin Galizian.
• «Zurekin» merkataritza-eredu berrira eraldatutako denden salmentak % 7 igo dira.
• 2015ean 99 denda ireki ditugu, gehienak supermerkatu frankiziadunak, Galizian FAMILIA denda bat ireki dugu eta FORUM SPORT kirol-materialeko 4 denda berri ere ireki ditugu. FORUM SPORT kirol-materialeko 4 denda berri ere ireki ditugu.
• Tarragonan lehen supermerkatu frankiziaduna ireki dugu.
• Frankizia-sarearen salmentak % 20 hazi dira , irekitako denda berriei eta «zurekin» negozio-eredu berriari esker.
• “Click&Collect”.Merkataritza elektronikoa ere aurrera: salmentak % 12 handitu dira «Click&Drive» eta «Click&Collect» zerbitzu berriek lagunduta.
Denda-sarea «zurekin» merkataritza-eredu berrira aldatzeko prozesua bizkortzen jarraitu dugu. 2015ean, 387raino heldu da belaunaldi berriko denden kopurua. Horrek dugun elikagaien banaketa-sarearen % 27 suposatzen du.
Birmoldaketa gehienak merkatu-kuota esanguratsuagoa dugun eremuetan egin dira eta gure gaitasunak asko handitzen ari gara sinergia garrantzitsuekin. Gure denda propioen sarearen zati handiena hartzen duen eremua da: Kantauri isurialde guztia eta penintsularen ipar-ekialdea, Galiziatik Kataluniaraino eta Balear Uharteetaraino.
Gainerako lurraldeetan, denda frankiziadunen garapena sustatu dugu. Horiek zabaltzeko lehentasunezko eremuak dira Andaluzia, Madril, Gaztela-Mantxa, Extremadura eta penintsula ekialdea. Zehazkiago, Andaluzian zabaldu ziren denda gehien 2015ean, 21 supermerkatu frankiziadun berrirekin.
2015ean amaitutzat eman ditugu 2012an definitutako plan estrategikoan elikagaien merkataritza-sarea saneatzeko hasi genituen operazioak. Egon nahi genuen lekuan gaude orain.
«Zurekin» merkataritza-ereduaren oinarria identitate kooperatiboa da, eta horrek EROSKIren merkataritza-politiken garapen-esparrua definitzen du, errotik desberdina den eredu batera hurbiltzen joateko.
Denda frankiziadunen sarea hedatzeko erritmoa bizkortu dugu 2015ean: 94 establezimendu zabaldu dira, 15 milioi euroko inbertsioa eginda, eta 664 lanpostu berri sortu dira.
Online salmentak % 12 baino gehiago hazi dira 2015ean. Hainbat arrazoik azaltzen dute igoera hori: EROSKI Club Bazkide Bezeroen oinarri handiagoa; eskaintza zabalagoa (10.000 baino gehiago dagoeneko), kontsumitzaileari aukeratzeko askatasun handiagoa emanez; eta dagoeneko 17 urte dituen online salmentetan bildu dugun eskarmentua.
EROSKI Bidaiak agentziak 166 bulegoko sarea du, webguneaz gain. Gainera, enpresa-bidaiak eta kongresuak antolatzen espezializatuta dauden 28 bulegok osatutako sail bat ere badu, TRAVEL AIR izenekoa.
