Antxoak baratxuriarekin kazolan

1.- Ebaki baratxuria xerratan, txikitu perrexila eta, ukitu mina eman nahi bazaio, ebaki kaiena-adarrak eraztunetan. 2.-Kendu burua eta erraiak antxoei, garbitu, eta kendu hezurrak baina utzi isats-hegala. Itxita utzi. 3.-Bota oliba-olio birjina estra kazola batean, eta baratxuriaren ertzak gorritu direnean, gehitu kaiena eta antxoak. 4.-Bota gatza nork bere gustura. Nahi izanez gero, kazolara bota aurretik ere maneatu daitezke, garbitu ondoren. 5.-Doratu antxoak bi aldeetatik. Gehitu perrexil txikitua eta, nahi izanez gero, txakolina nahierara. Jarri estalkia eta utzi su ertainean egin arte (4 edo 5 minutu aurrez astebete -20ºC-tik beherako tenperaturan izoztuta egon badira, edo 10 minutu zuzenean freskoak badira). 6.-Apaindu antxoen platera edo erretilua perrexil-adar batzuekin, eta zerbitzatu entsaladarekin batera. Entsalada osatzeko, gehitu juliana finean ebakitako tipula gorria gatzozpindu nahierara gatz pixka batekin, oliba-olio birjina estrarekin eta ozpinarekin. OHARRAK: - Antxoa garbien erretilu bakoitzean 250 g daude. - Txakolina Mendigorri markakoa da, hori baita merkeena, eta sukalderako kalitate eta prezio erlazio oso ona du. - "Antxoak" fresko erosi ondoren gutxienez astebete eduki badira izozkailuan -20ºC-tik beherako tenperaturan, ederki geratuko dira alde bakoitzetik 3 edo 4 minutu eginez; baina fresko erosi eta izoztu gabe egingo badira, gutxienez 10 minutuz (alde bakoitzeko 5) eduki beharko dira sutan anisakisik ez hartzeko.