Haragi-bolak curry saltsan

Zartagin handi batean curry saltsa prestatuko dugu, su ertain-baxuan tipula gorriak eta azenarioa oliba-olioarekin sueztituko ditugu, eta biguntzen direnean, currya botako diegu; zaporeak nahasten utziko ditugu, su baxuan, minutu gutxi batzuk. Zartaginetik atera eta pixka bat irabiatuko dugu dena, pure lodia lortu arte. Gatz-puntuan jarri eta gorde egingo dugu. Arroza ur-gatzetan egosiko dugu, aleak bigundu arte. Gerorako gordeko dugu. Haragi-bolak birrineztatu eta oliba-oliotan kozinatuko ditugu su ertain-handian, alde guztietatik gorritu arte. Barrutik ondo eginda gustuko badituzu, jar itzazu kazola batean curry saltsarekin, eta berotu minutu batzuk su baxuan barrutik egin eta urtsuak gera daitezen. Zerbitzatzeko, plater bakoitzean entsalada sinple bat jarri: ziazerba freskoak, errukula eta tipulin gorri pixka bat xerratan moztuta, jerez-ozpin tanta batzuekin, oliba-olio birjina estrarekin eta gatzarekin onduta. Entsaladari 4 edo bost haragi-bola jarriko dizkiogu, gainetik curry saltsa botata eta alboan koilarakada pare bat arroz basatiarekin.