EROSKIk 22 plataforma logistiko ditu, 360.000 m2-ko azalera hartzen dutenak, honela banatuta: freskoentzako 13 plataforma, elikagaientzako 9, elikagaiak ez direnentzako 1 eta beste 5 zirkulazio-anezka Egunero milioi bat kutxatik gertu igarotzen da logistika-sare horretan zehar.

EROSKIk gaur egun guztiz automatizatutako prozesuak dauzka Madrilgo, Elorrioko (Bizkaia), Mallorcako eta Zaragozako bere plataforma logistikoetan. Azken urteotan hornikuntza-kateko prozesuen automatizazioan egindako aurrerapenek azken ekitaldietan % 27ko hobekuntza orokorra eragin dute efizientzia logistikoari dagokionez.

Horrez gain, elikagai freskoen planta logistikoen automatizazioari esker, EROSKI espezializazio handiagoa eskuratzen ari da produktu horiei dagokienez, denbora-tarte laburragoekin bilketaren eta kontsumitzailearen artean, eta denboraldiko elikagaien aukera zabalagoarekin, kontsumitzaileari hautu-askatasun handiagoa eskainita elikadura anitz eta osasuntsuagoa praktikatze aldera.

Zerbitzu-eredua txandakatzearen arabera dibertsifikatzen duen hornidura-kate efizienteagoa «zurekin» merkataritza-eredu berriaren giltzarrietako bat da. Fluxu logistiko tenkatuago batean operazio-gastuak murrizteak izakinak gutxiagotzen ditu hornidura-kate osoan, «zurekin» merkataritza-ereduaren kualifikazioaren alde; izan ere, aukera-zabaltasun handiagoa eskaintzen du, espezializatuago dago produktu freskoetan, protagonismo berritua ematen die tokiko produktuei eta indartu egiten ditu Bezero Bazkideekiko loturak, harreman pertsonalizatuago baten bidez.

Lan-taldeen malgutasuna eta ahalduntzea alderdi erabakigarria dira operazio logistikoak merkataritza-estrategiara eta merkataritza-sarearen bilakaerara behar bezala egokitzeko.