Plan familias 0·12

(sin título)

Haurtxoaren bainurako gomendioak

Onena da zure haurtxoa giro lasai batean bainatzea, gela batean 23 ºC inguruan, eta bainuak 5-10 minutu iraun dezala astean 2-3 aldiz. Urarekin bakarrik egin dezakezu (36,5-37 ºC) edo xaboi likido pixka bat erabili. Bainua hartu ondoren, berehala lehort...zea gomendatzen dizugu, arreta handiz ibiliz tolesturetan. Ondoren, landare olio bat eman diezaiokezu gorputz osoan, almendra gozoak adibidez.

(sin título)

Noiz has naiteke nire haurra bainatzen?

Ez dago arau unibertsalik, baina kontuan izan behar dugu bizitzako lehen 3 egunetan ez dela derrigorrezkoa eta, edonola ere, lehenengo 24 orduetan saihestu behar dela.
Kontuan izan behar da bainua ez dela kaltegabea haurraren larruarentzat, izan ere, azal...a lodiera txikiagokoa da eta oraindik heltze prozesuan dago, eta, beraz, urarekin elkarrekintzan, larruazaleko lehortasuna areagotu daiteke.

(sin título)

Zer egin dezaket min ziatikoarentzat?

Ziatikako mina oso ohikoa da haurdunaldian. Lehenik eta behin, zenbait neurri probatu behar dituzu, esaterako, bero lehorra jarri behar duzu hazi-poltsa batekin edo manta elektriko batekin. Luzatze-ariketa batzuek ere arindu egin dezakete mina. Pisu gehie...gi ez irabaztea gomendatzen dizugu, nerbio ziatikoan konpresio handiagoa eragin dezakeelako eta traba handiagoa izan. Neurri horiek hartu arren, minak ez badu hobera egiten edo ez bada joaten, onena da zure emaginari edo ginekologoari kontsultatzea.

(sin título)

Zergatik ebaluatzen dira umetokiko arteriak?

Ama-fetuen arloko medikuntzan egindako aurrerapenek jaiotza inguruko hilkortasuna gutxitzea ahalbidetzen dute; aurrerapen horietako bat umetokiko arterien ebaluazioa da dirudienez, haurdunaldiko hipertentsioaren iragarlea baita eta umetoki barneko hazkund...e atzerapenarena ere bai. Umetokiko arterien ebaluazio hori egiten hasi dira emakume haurdunetan, baheketa-proba gisa, hau da, umetokiko arteriak ebaluatzen dira, bai lehen hiruhilekoan bai bigarrenean ekografiaren bidez, eta arteriako odol fluxua zehaztu daiteke horrela, baita haurdunaldiko 34. astearen aurretik preeklanpsia garatzeko arriskua baloratu ere. Arrisku handiko haurdunei umetokiko arterietan Doppler azterketa ekografikoa egitearen erabilgarritasunaz adostasuna dago, konplikazioak agertuko diren horiek identifikatzeko. Hala ere, arrisku baxukoetan bere zeregina eztabaidatua da literatura zientifikoaren.

(sin título)

Nola kendu diezaioket titia nire haurrari traumatikoa izan gabe?

Titia kentzeko garaia iritsi dela erabakitakoan, jarraibide lagungarri batzuk dituzu.
- Pixkanaka egitea gomendatzen dizugu. Hobe da eguneko hartualdi bat ordezkatzea eta esne artifiziala ematea edo, haurrak 6 hilabete baino gehiago baditu, zerbait solid...oa ematea. 2 edo 3 egun itxaron beharko duzu bigarren hartualdia ordezkatu baino lehen. Era horretan, mastitisa edo handitzea izateko arriskua gutxitu daiteke, eta baita bion eragin emozionalak txikitzekoa ere.
- Hobe duzu bularra ez eskaintzea, baina ukatu ere ezin diozu egin. Hartualdia atzeratzeko, distrakzioak erabil ditzakezu edo jarduera bat markatu, eta ondoren bularra eman. Eguneroko errutina batzuk aldatu beharko dituzu bularra gutxiago eska dezan. Agian, horrek ekar lezake etxetik kanpo jarduera gehiago egitea, distraitzeko edo, aitzitik, etxean gehiago egotea. Zuk baino hobeto inork ez du zure haurra ezagutzen.
- Bularra eskatzen duen momentuari aurrea har diezaiokezu, eta beste janari edo edari batzuk eskaini, gosea edo egarria txikitzeko.
- Zure bikotekidea edo beste zaintzaile bat inplikatu, ordezko elikagaia eman diezaion eta gauean altxa dadin bularra eskatzen duenean lo egiteko.
- Bularra eman ohi diozun leku fisikoa saihestu. Zenbait altzari tokiz alda ditzakezu beste errutina bat sortzeko.
- Hartualdi laburragoak eman. Umearekin akordio batera irits zaitezke, bularra emango diozu, 10 kontatu arte. Hori bai, behin akordio batera iritsita, tinko eutsi behar diozu. Prozesua hasten denean, sentitzen baduzu ez dela momentua bietako edozeinentzat, baimena eman zeure buruari berriro bularra ematen hasteko eta aurrerago egin proba berriro. Ez diozu inori azalpenik zor.

(sin título)

Noiz kendu behar diot titia nire haurrari?

Bularra emateak ez du iraungitze datarik. Aditu guztiek 6 hilabeteko edoskitze esklusiboa aholkatzen dute, eta bi urte edo gehiagora arte, elikadura osagarriarekin batera jarraitzeko. Kanpoko gomendioak alde batera utzita, titia kentzeko unea zure beharre...n eta umetxoaren beharren araberakoa izango da eta ez besteen espektatiben araberakoa. Gerta liteke hori egiteko unea iritsi dela argi izan arren, sentipen kontrajarriak dituzula sentitzea; tristura amaitzen den etapagatik, eta, agian, lasaitasuna berreskuratuko duzun independentziagatik. Hori guztia normala da. Erabaki honi buruz zure semearekin edo alabarekin hitz egitea aholkatzen dizugu. Nahiz zure hitzak ulertzeko bezain handia bada, nahiz hitz horien atzean dagoen maitasuna eta zainketa besterik ulertzeko ez bada. Zintzotasunez eta leialtasun osoz hasteko balio diezazuke.

(sin título)

Sukarra badut bularra eman diezaioket?

Bai, ahal duzu. Sukarra joan arte bularrik ezin dela eman askotan entzuten den arren, mito bat da, ez da zuzena. Organismoa birus edo bakterioaren baten aurka borrokatzen ari dela adierazten du sukarrak. Edoskitze aldian gertatzen bada, garrantzitsua da k...ausa ezagutzea eta tratatzea, baina, edonola ere, bularra ematen jarrai daiteke, ez zuretzat ez zure haurrarentzat kalterik eragin gabe. Antibiotikoak hartzea beharrezkoa bada, merkatuan edoskitzearekin bateragarria den aukera zabala dago. Berdin gertatzen da sukarra jaisteko medikazioarekin ere. Beraz, sukarra izanez gero edoskitzea eteteko inolako arrazoirik ez dago. Gainera, amak sukarra eragin duen germenaren eraginpean egon bada, haurra ere egon izango da gune fisikoa partekatzen baitute biek, eta, ondorioz, haurtxoari bularra ematen jarraitzea oso garrantzitsua da, esnearen bidez bere gorputzak germenen aurka sortu dituen defentsak transmitituko baitizkio. Hori da bularra modu naturalean ematearen abantaila eta pribilegio handienetako bat.

(sin título)

Nire bi semeei aldi berean eman diezaieket bularra?

Haurdun geratzen bazara bularra ematen ari zaren bitartean posible da haurdunaldi osoan bularra ematen jarraitzea. Erditu ondoren bi haurtxoei bularra ematen jarraituz gero tandem-edoskitzea izango da. Tandem-edoskitzeak onurak dakartza alde guztientzat; ...hartuneak ahalik eta ongien antolatu behar dituzu eta ohiko higiene neurriak mantendu. Erditzearen ondoren, jaioberriarentzat hain onuragarria den oritza ekoitziko duzu, eta ondoren, beti egongo da esnea bientzat. 

(sin título)

Bularra txikiagotuta daukat, nire haurrari bularra eman ahal izango diot?

Galdera horren erantzuna erabilitako teknikaren mende dago hein handi batean. Txikitzeko kirurgiak esnea ekoizteko bularreko ehuna, nerbio konexioak eta hodi galaktoforoak suntsitzen ditu. Kirurgiak, ordea, inerbazioa eta hodiak ez bazituen ukitu, bularra... behar bezala eman daiteke. Onena da zure emaginari esku-hartzearen txostenak erakustea eta berak aholkua ematea. Garrantzitsua da edoskitzeari buruzko benetako espektatibak izatea, eta informazio hau lagungarria izan dezakezu horretarako.

(sin título)

Bularreko protesia daukat, nire haurtxoari bularra eman ahal izango diot?

Garrantzitsua da jakitea nola jarrita dagoen inplantea eta zein teknika erabili zen. Bularreko muskuluaren atzean daudenek eta areolan inolako ebakirik egin gabe sartuta daudenek, ez dute inolako aldaketarik eragiten bularreko ehunean eta, beraz, zure bul...arrak esnea ekoizteko gaitasuna izango luke esku-hartzearen aurretik bezala. Aitzitik, bularreko inplantea sartzeko areola inguruan ebaki bat egin bada, inplanteak ehun jariatzailea konprimitu dezake. Aldi berean, areolan egindako ebakiak eta ondorengo orbainak hodi galaktoforoak kaltetu ditzake. Hauek kolapsatu egiten dira eta esnea titiburutik behar bezala ateratzea eragozten dute. Esku-hartzearen txostenak eskura izatea gomendatzen dizugu, eta zure emaginarekin kontsultatzea zure kasua.
Garrantzitsua da edoskitzeari buruzko benetako espektatibak izatea, eta informazio hau lagungarria izan dezakezu horretarako. Baina erditzearen ostean beharrezko aldaketa hormonalak gertatu arte, eta zure haurtxoak zure bularra eskatu ahala xurgatzeko gai ez den arte, ezingo da baloratu haren arrakasta. Batzuetan, edoskitze partzial bat mantendu daiteke gehigarriekin konbinatuta. Beste batzuetan naturak giza espektatibak gainditzen ditu.