Urtero munduan milioika elikagai-tona alferrik galtzen dira estandarizazio-mailak ez betetzeagatik bakarrik. Esaterako, Europan ekoiztutako fruta eta barazkiak %20 eta %40 zaborretara botatzen dira dendara iritsi baino lehen. Eta itsusiak direlako bakarrik! EROSKIn neurriak hartu nahi ditugu egungo janari-eralgiketa murrizteko. Horregatik, bere sare komertzial osoan zero alferrik-galtzea izatea lortu duen Espainiako lehen banaketa-kate bilakatu gara.
Gainera, Zero Hondakinaren konpromiso horri beste xede solidario bat gehitu diogu, Espainian sozialki arduratsuak diren ia 50 erakundek produktuak eman ditzatela hain zuzen. Ildo horretatik, 2017an 4.755 tona elikagai baino gehiago eman genituen. Modu horretara, bermatzen dugu EROSKIren hipermerkatuetan eta supermerkatuetan ez dela kontsumi daitekeen elikagairik botatzen, denda bakoitzaren inguruneko erakunde sozialetara bideratzen dela baizik.
Orain, halaber, fruta eta barazkiak itsusi horiek erosteko aukera eskaini nahi dizugu, kontsumitzeko moduan dauden elikagaiak alferrik galtzearen inguruko kontzientzia zabaltzen jarraitzeko eta ahal den neurrian alferrik gal daitezen ekiditeko. Eman aukera bat fruta itsusiei eta egin Zero Alferrik Galtzearen aldeko apustua!
