Arbendol krunblea sagarrarekin eta sagardoarekin, jogurt izozkiarekin

Zartagin batean salteatuko ditugu sagar-dadoak su handian, oliba-olio koilarakada batekin. Gehituko ditugu azukre beltza, limoi-zukua eta sagardoa eta segituko dugu salteatzen, gozoki bihurtu arte. Kanela-ukitu bat emango diogu. Kenduko dugu sutatik eta labekatuko dugun moldearen gainean zabalduko dugu. Kurruskaria egingo dugu: Hartuko dugu gurina giro-tenperaturan eta txikituko dugu hatzekin; botako diogu azukrea, arbendol-hautsa eta irina, guztiaren gain irina; gurinak hartu bezainbat. Beti hatzekin lan egin, eskuak igurtziz, 'apurrak eginez' bezala (harea testura bat nahi dugu). Zabalduko ditugu apur kurruskariak sagarraren gainean eta labekatuko dugu 180º C-tan 40 bat minutuz edo apur kurruskariak gorrituta daudela ikusten duzuen arte. Labetik aterata, utziko dugu epeltzen eta osagarri jarriko diogu jogurt-izozki bolatxo bat.