Barazki-chipak

Chipak egiteko: barazki guztiak fin-fin laminatu mandolina batekin. Jarri barazkiak ura duen ontzi batean eta beratzen jarri 10 minutuz gehiegizko almidoia kentzeko. Kendu ura eta lehortu ongi zapi batekin. Jarri chipak laberako paperean bata bestearen gainean ipini gabe. Elikagaiak deshidratatzeko gailu batekin, deshidratatu barazkiak ordubetez. Deshidratatzeko gailurik ez baduzu, sartu labean 150 ºC-tan 30 minutuz. Denbora hori pasatakoan, buelta eman chipei eta beste 20 minutuz egin. Atera labetik eta gatza bota. Laguntzeko: txikitu tipulina, luzokerrak eta kaparrondoak. Nahastu maionesa, ziapea, lima erdi baten zukua eta gatza. Zerbitzatu barazkiekin batera. Pasatu babarrunak txorrotako uretan eta, ondo xukatu ondoren, bota lapikora ardo zuriarekin batera. Eragin zurezko koilara batekin eta utzi pare bat minutuz alkohola lurruntzen. Jarraian, salda edo ura gehitu eta utzi egosten su ertainean, estali gabe, 15 bat minutuz. Bitartean, xukatu orburuak paper xurgatzailean eta moztu laurdenetan, eta gorde hiruzpalau erdi politenak. Gehitu gisatuari gainerako orburuak muskuiluekin batera, eta utzi 5 minutuz. Bota gatza eta piperra nahierara, hautseztatu perrexil xehatua eta ehotako kaiena pixka bat, eragin berriro eta utzi egosten beste pare bat minutuz. Bitartean, gordetako orburu laurdenak xigortuko ditugu zartagin itsasgaitz batean, oliba-olio birjina estra tanta batzuekin. Gisatua zerbitzatzeko, orburu xigortuekin eta perrexil xehatu pixka batekin apainduko dugu.