Eroski

Eskalibada-txigorkia kontserbako sardinekin

Name: Eskalibada-txigorkia kontserbako sardinekin
Total time: 25 min
Yield: 4
Ingredients: 400 g sardina kontserban; 200 g alberjinia; 75 g piper berde; 75 g piper gorri; 1 tipula; 160 g bihi osoko ogi (4 xerra); 20 ml (2 koilarakada) oliba-olio birjina; Gatz apur bat; Piperbeltz zuria

0 View bisita

Zailtasuna: Zailtasun txikia
Denbora: 1 eta 2 ordu bitartean

Descargar

kcal: 401 20%

Azukreak: 5,2g 6%

Koipeak: 21g 30%

Koipeak saturatuak: 3,3g 17%

Gatza: 1g 17%

1/5 izar. 1 baloraziotan oinarrituta

Prestaketa

Barazki guztiak osorik labean erre, ordubetez, 180ºC-ko tenperaturan, gatz eta oliba-olio birjina apur batekin. Erre ondoren, zuritu eta zatitu. Alberjiniei eta piperrei pipitak kendu, zerrendetan moztu, eta labean erretzean atera zaizkien zukuekin nahastu. Leku beroan gorde. Sardina-kontserba ongi xukatu. Txigorkia apailatzeko, jarri barazki erreen geruza bat ogiaren gainean, eta ondoren jarri sardina-kontserbak barazkien gainean. Barazki erreen zukuarekin edo oliba-olio birjina tanta batzuekin zukutsuko bihur dezakegu.

Nutrizio-aholkua

Oso jaki interesgarria da, bai eman diezaiokegun erabilerari bai elikadura-propietateei dagokienez. Txigorkian aurkezten denez, ogitartean ere presta daiteke, eta hasierako plater gisa, afarirako plater bakar gisa nahiz askari gisa har dezakegu. Nutrizioaren ikuspuntutik onuragarria da erabat; barazkien bitartez bitaminen, mineralen eta zuntzaren onurak jasotzen ditugu; bihi osoko ogiak energia ematen digu eta, alearen zati guztiak dituenez (fintzean hozia eta zahia galtzen dira), zuntz, proteina eta mineral gehiago ematen ditu; eta sardinek, arrain urdinak direnez, kalitate handiko proteinak eta koipe kardio-osasungarriak ematen dituzte (omega-3) eta, gainera, badituzte B2, B3, B6 bitaminen kopuru nabarmenak eta hainbat mineral ere: adibidez, kaltzioa (kasu honetan hezurrak ere jaten ditugulako), burdina, potasioa, fosforoa, iodoa, selenioa eta zinka. Nabarmendu behar da 100 gramo janda estalita ditugula, batetik, D bitaminaren eguneroko premiak (hezurren osasunari eustean parte hartzen duen bitamina, zati koipetsuetan soilik aurkitzen dena) eta, bestetik, B12 bitaminarenak (animalia-jatorriko elikagaietan eta elikagai aberastuetan soilik aurkitzen dena).