Gulazko kanapea eta gulak eta piper errearen pintxoa.

   Gulazko kanapea: 1.-Tomateak garbitu, kirtena kendu eta haziak kendu koilara batekin. Lehenik juliana eran moztu, gero dado mehe batzuk egiteko. 2.-Tipulina garbitu eta oso fin moztu. 3.-Ontzi batean ozpin-olioa egin, Oliba-olio birjina estra, ozpina eta gatzarekin (proportzioa: 3 olioko ozpin 1). Dena nahastu arte irabiatu. 4.-Gehitu nahi beste tipulin, dadoetan moztutako tomateak eta koilara batekin nahastu. Gero, gulak gehitu eta guztia nahastu. Utzi hozten, gutxienez 20 minutu, mazeratu dadin. 5.-Endibien orri handienak kendu eta izotza duen ur hotzetan sartu, kurruskaria izan dadin. 6.-Ateratzekoan, bete endibiak gula-entsaladarekin. Bota tipulina gainean. Gulak eta piper errearen pintxoa: 1.-Baratxuriak oso fin zatitu. 2.-Garbitu piper gorria, kendu kirtena, haziak eta nerbioak. Moztu 2 edo 4 zatitan. 3.-Hartu erretilu bat eta jarri labeko papera. Bertan, jarri moztutako piperra eta gehitu gatza eta Oliba-olio birjina estra nahierara. 4.-Labea aurrez berotuta, laberatu, 180 gradutan eta 60 minutuz, 30 minutuz alde bakoitzetik. 30 minutu igaro ondoren, buelta eman eta beste gatz pixka bat eta Oliba-olio birjina estra zurrustadatxo bat bota. 5.-Kendu azala eta moztu tiratan edo zatikatu piperraren haragia. 6.-Zartagin batean, Oliba-olio birjina estra zurrustadatxo batekin, baratxuriak gorritu eta gulak salteatu. 7.-Ogia xerratan moztu eta txigortu. Piper errearekin ohe bat eratu, gainean salteatutako gulak jarri eta azkenik, bota tipulina edo perrexila. Pintxo hau beroa edo hotza hartu daiteke.