Ideas con frutas para decorar HalloweenIdeiak frutekin Halloween apaintzeko

MARRUBIENTZAT Marrubiak garbitu eta lehortuko ditugu. Txokolate zuria mikrouhin labean urtuko dugu 30 segundoko tarteetan, potentzia maximoan, eta nahasten joango gara, guztiz urtu arte. Marrubiak txokolate zuriz bustiko ditugu, eta sareta batean utziko ditugu. Hozkailuan sartuko ditugu, txokolatea gogortzeko. Begiak eta ahoa txokolate beltzezko arkatz batekin margotuko ditugu. Aurkezteko prest. FRUTA BROXETETARAKO: Frutak zuritu eta zati txikitan eta forma ezberdinetan zatituko ditugu. Adibidez: izozki-bolak egitekoarekin, angurri- eta meloi-bolak egingo ditugu. Anana lauki-formatan moztuko dugu. Banana xerratan. Kiwia luzetara. Broxetak egiteko, kolore eta forma ezberdineko frutak txandakatuko ditugu. Koloretako arkatzekin, mamu itxurako aurpegiak marraztuko ditugu Halloween egunerako. Hozkailuan hozten utziko ditugu. OINARRIA EGITEKO Bizkotxo-oinarri borobila egin edo erosiko dugu. Ahabia-marmeladarekin estaliko dugu, eta ongi zabaldu, aldeetatik erortzeko. Banillazko arkatz zuri batekin lerro borobilak margotuko ditugu, eta broxeta baten muturrarekin, kanporanzko irudiak egingo ditugu, armiarma-sarearen itxura emanez. Apaindutako fruta-broxetak zulatuko ditugu, beheko partean marrubiak jarriz. MANDARINARENTZAT Amaitzeko, punta batekin mandarina hustuko dugu (ez dio axola hondarrak geratzen badira, horrela zaporea nahastuko baita). Txokolate beltza mikrouhin labean urtuko dugu 30 segundoko tarteetan. Nahasten joango gara, urtzen joan dadin. Mandarina txokolatearekin beteko dugu, fonduea egin, eta horrekin, Halloween egunerako apaindu ditugun frutak busti ahal izateko. Hori zerbitzatzeko unean egin behar da beti, txokolate bero eta likido egoteko.