Legatz eta brokoli kauserak

Errezeta hau lagungarri izan daiteke txikienek barazkiak eta arraina jan dezaten. Beste barazki edo arrain soberakinekin egin daiteke, elikagaiak aprobetxatzeko errezeta moduan. Gainera, txikiek parte hartu dezakete osagarriak nahasten eta kauserei forma ematen. Labea 190 ºC-tan berotu, haizagailuarekin. Brokoliaren zurtoina kendu eta birrindu migak lortu harte. Brokoli zuhaixken erdia birrindu. Patata birrindu eta ura ondo xukatu. Legatz desizoztua eta xukatua txikitu. Brokolia, patata, legatza, gazta eta arrautzak nahastu, currya, gatza, piperbeltza eta belarrekin ore bat lortu arte. 50 gr inguruko bolatxoak edo kroketak egin, ura ondo xukatuz. Paper argizariz estalitako labe-erretilu batean utzi eta 25 bat minutuz laberatu, beste 3 minutuz grillarekin utziz, gorritu daitezen. Saltsa prestatzeko maionesa eta tatariai saltsa nahastuko dugu eta kauserak saltsarekin batera zerbitzatuko dugu, limoi atalekin eta belar hautseztatuekin.