Pasta perretxiko min salteatuekin

Garbi dagoen lan-mahai batean, sumendi bat egingo dugu irinarekin, eta arrautzak barruan kraskatuko ditugu. Oretu egingo dugu pixkanaka. Horretarako, lehendabizi hatz-muturrak erabiliko ditugu, eta ondoren, esku osoa. Taxuz egin behar da, dena ongi lodituta geratu dadin. Ore zertxobait gogorra lortuko dugu, eta eskuetatik askatu behar da. Orea film-paperean bilduko dugu, lehortu ez dadin, eta jalkitzen utziko dugu ordubetez. Horrela proteina garatzea, gorpuztea eta malguagoa izatea lortuko dugu. Hori oso lagungarria izango da luzatzeko unea iristen denean. Behin jalkita, orea zatitan banatu, eta bolak egingo ditugu. Lanerako gainazala irin pixka batekin hautseztatuko dugu, eta bola bakoitza luzatu egingo dugu arrabola batekin. Garrantzitsua da xafla fin eta laukizuzen bat ondo geratzea, ebakitzean pasta-tira onak lortzeko. Perretxikoak prestatzeko: Salteatu tipulatxa AOVE olioarekin, gaineratu perretxikoak eta salteatu gorritzen diren arte, gehitu baratxuri xehatua, oreganoa, kaiena pixka bat, tomate-saltsa eta Modenako ozpina. Gorde egingo dugu. Egosi pasta, eta gaineratu perretxiko min salteatuetara. Nahastu Parmako gaztarekin, eta zerbitzatu.