Skrei-bakailao takoa limoi eta gremolata rissotoarekin

Gremolata aldez aurretik prestatuko dugu, osagai guztiak nahastuz, eta gorde egingo dugu. Risottoari 8 minutu falta zaizkionean, bakailaoa prestatuko dugu, plantxan. Horretarako, ongi lehortu, gatza eta piperra bota, eta xerra AOVE olioarekin bustitako zartagin batean ipiniko dugu, azala beherantz begira duela. Gorritzen utziko dugu, eta askatzen denean, su ertain-motelean prestatuko dugu 5 minutu inguruz; biratu, eta beste 2 minutuz prestatuko dugu haragiaren alderditik. Atera eta risotto koilarakada pare baten gainean zerbitzatuko dugu, eramuinez eta gremolata koilarakada batekin apainduta. Risottoa prestatzeko: Lapiko baxu batean, AOVE koilarakada bat berotuko dugu; sueztitu egingo dugu 3 minutu inguruz, eta tipula erdia xehatuko dugu brunoise eran. Xehe-xehe xehatutako baratxuria gaineratuko dugu, eta beste minutu batez utziko dugu prestatzen. Ilarrak gehitu, salteatu eta salda katilu eta erdi gaineratuko dugu. Gatza eta piperra botako dizkiogu. Irakinaldira eramango dugu; sua erdira jaitsiko dugu, eta erdi estalita dagoela, 4-5 minutuz prestatuko dugu. Sutatik atera, irabiagailura eraman, albahaka eta perrexila gaineratu, eta birrindu egingo dugu. Gorde egingo dugu. Lapiko berean, AOVE koilarakada eta erdi isuriko dugu, eta brunoise eran xehatutako tipula bat sueztituko dugu; garden dagoenean, arroza gehituko dugu, eta gutxi gorabehera minutu batez txigortzen utziko dugu, zurezko koilara batekin mugitzen dugun bitartean. Ardo zuria gehituko diogu, eta lurruntzen utziko dugu, arroza mugitzen dugun bitartean. Lurrundu denean, salda beroz beteriko katilukadak isuriko ditugu pixkanaka (ez dugu hurrengoa isuriko aurrekoa lurrundu arte), zurezko koilararekin etengabe mugitzen dugun bitartean. 20 minutu inguru igarota, arroza ia prest dagoenean, ilar-purea gehituko dugu, eta likidoa lurrundu arte itxarongo dugu; gurina eta Parmako gazta gaineratu, eta mugitu egingo dugu. Azkenik, limoi-zukua eta -birrindura nahastuko ditugu. Berehala zerbitzatuko dugu. Platerean aurkezteko iradokizuna: plateraren hondoan 2 risotto koilarakada ipiniko ditugu; gainean, plantxan egindako bakailao-takoa jarriko dugu, limoi-birrindura pixka batekin, gremolata koilarakada batekin eta xehatutako tipulin edo kimu berde gutxi batzuekin.