Skrei Bakailaoa pistoarekin

1.- Garbitu, zuritu eta zatitu barazkiak. Tipula gorria, zuria, piper berdeak eta piper gorria brunoise erara. Kuiatxoa kubotxotan, azalarekin. 2.-Zartagin edo kazola batean, erregosi tipula bost minutuz, oliba-olio birjina estraren zurrustatxo batekin eta gatz apur batekin. 3.-Gehitu piper berdeak eta gorriak. Erregosi beste 5 minutuz. 4.-Gehitu kuiatxoa, ondu gatzez eta piperrez nahierara, eta erregosi beste 5 minutuz. Eragin frijitukiari. 5.-Gehitu tomate natural birrindua eta egin su ertainean, estalita, 10 minutuz. Horrela, al dente geratuko dira barazkiak. Bigunago nahi badira, gutxienez beste 10 minutuz utzi beharko dira sutan. 6.-Bitartean, Skrei bakailaoa prestatuko dugu. Laban zorrotz batekin azala kendu eta gorde, edo arrandegian eskatu azala kentzeko. 7.-Ebaki bakailaoa 4 edo 5 cm kubotxoetan gutxi gorabehera (kontuan hartuta egitean tamaina apur bat txikituko dela). 8.-Oliba-olio birjina estra apur bat duen zartagin bero batean, doratu Skrei bakailaoaren kubotxoak bi aldeetatik. Bota gatz pixka bat kubotxo bakoitzean eta oliba-olio birjina estra tanta bat gainetik buelta eman aurretik. 9.-Txigortu azala su bizian gogortu arte, eta gorde gerorako. 10.-Jarri Skrei bakailaoaren kubotxoak laberako papera duen erretilu batean, eta erre 180 ºC-tara, aurrez berotutako labe batean, 10 minutuz gutxi gorabehera (barrutik egin dadin), erdiko altueran eta gainetik eta azpitik berotuz. 11.-Zerbitzatzeko, jarri pistoa plater zabal batean edo erretilu batean, ipini gainean Skrei bakailaoaren kubotxoak, gehitu zurrustatxo bat oliba-olio birjina estra eta gatz-maluta batzuk kubotxo bakoitzean, hautseztatu perrexil xehea, ebaki bakailaoaren azala guraize batzuekin kubotxo bakoitzaren tamainako zatitan, eta jarri gainean. Azkenean, apaindu kubotxo bakoitza perrexil hosto batzuekin.