Turroi-bizkotxoa frutekin eta txokolate zuriarekin

Ontzi sakon batean, irabiatu arrautzak eta gehitu limoi arraspatua eta esne hotzaren zati bat. Guztia ongi nahastuta dagoenean, bota gainetik kanela-hautsa eta gurina (likidoa baina hotza), azukrea, legamia eta irina. Birrindu EROSKI Seleqtia txokolate-turroia aurrez gordetako esnearekin, krema lortu arte, eta eragin nahaste osoari ore fina, ez oso lodia, lortu arte. Gurineztatu tarte-molde desmuntagarria eta irineztatu barrualdea. Bete tarta-moldearen 2/3, hautseztatu azukre apur bat gainetik, eta sartu labean 180 ºC-tan, gutxi gorabehera 40 minutuz edo bizkotxoa goratu eta gainetik kolorea hartu arte. Turroi-bizkotxoa ongi egina dagoen ikusteko, sartu ziri bat: garbi badago, ateratzeko prest dago; bestela, minutu batzuez utziko dugu ongi egin arte. Atera labetik bizkotxoa duen xafla, atera bizkotxoa moldetik, eta itxaron hoztu arte. Zatitu marrubitxoak eta laranja-atal batzuk, nahastu estaltzeko txokolate zuriarekin eta erabili banako bizkotxo zatiak apaintzeko. Amaitzeko, bota fruitu lehor batzuk.