Txerri-azpizuna esnetan

Proposamen horrek esne-saltsa bat du, eta prestaketa erraza izateaz gain, nutrizio-kalitate onekoa da. Hala ere, gogoratu behar dugu aukerarik onena platerak barazkiekin osatzea dela. Berotu labea 190ºC-tan, goitik eta behetik. Azpizuna gatzpipertu eta zartagin batean OOBE koilarakada erdirekin alde guztietatik ondo gorritu. Atera zartaginetik eta gorde. Laberako egokia den zartagin batean eta azpizunaren errustidoaren hondarrik gabe, gehitu OOBE koilarakada erdia eta bigundu baratxuriak eta tipula xehatuak sutan. Oraindik gorritu gabe baina bigunduta dagoenean, gehitu esnea, erramu hosto bat eta erromero adaxka bat. Utzi prestatzen 15 minutuz, su ertainean, pixka bat murriztu dadin. Sartu gordetako azpizuna zartaginean eta laberatu 15-20 minutuz inguru, lodieraren arabera. Labetik atera, azpizuna kendu eta berotan gorde, erramua eta erromeroa ere kendu eta saltsa birrindu. Behar izanez gero, utzi saltsa pixka bat murrizten, nahi dugun testura lortu arte. Moztu azpizuna xerra lodietan, estali zerbitzatzeko erretilua saltsaz eta gehitu azpizun-xerrak. Eho piperbeltz beltz pixka bat, piperbeltz arrosa ale batzuk eta erromero hosto batzuk, eta berehala zerbitzatu.