Eroski

Perretxikoak eta txirlekin babarrun zuriak

Lehenengo platera
0 View visita

Zailtasuna: Zailtasun ertaina
Denbora: 30 minutu baino gutxiago

/5 izar. 0 baloraziotan oinarrituta

Prestaketa

Indabak ur hotzetan ipini beratzen, aurreko gauen zehar. Hurrengo egunean, bota lapiko batean eta gehitu tipula xehatua, tomate zuritua eta zati txikietan moztuta, ereinotza, baratxuria, perrexila, piperrautsa eta olio gordina. Estali guzti hori ur hotzarekin. Ura irakiten hasten denean, sua jaitsi, eta utzi poliki-poliki egosten. Saiatu babarrunak urarekin estalita egotea beti, azala gal ez dezaten. Samur daudenean, gatzatu, lehendik garbitutako eta txikitutako perretxikoak gehitu, eta segi oso astiro egosten. Baratxuriarekin ipinitako zartagin batean, ireki txirlak. Behin irekita daudenean, perrexil xehatu apur bat gehitu eta irauli guztia babarrunen eta perretxikoen gain. Ondoren, utzi babarrunak txirlekin egosten su motelean beste 10 minutuz. Atera sutik eta utzi egoten, estalita, hamar minutuz zerbitzatu baino lehen.

Nutrizio-aholkua

Babarrun zuriak fosforo eta B9 bitamina gehien duen elikagaietariko bat da, gorputzerako bi nutriente garrantzitsu. Horrez gain, magnesio, potasio eta zuntz kopuru handia dauzkate. Hori guztia gutxi ez balitz, babarrunek burdina, balio biologiko handiko proteinak, kaltzioa, iodoa, sodioa eta A, B1, C, K eta E bitaminak dituzte. Purina-iturri dira, beraz, azido uriko maila altua duten pertsonek babarrunen kontsumoa neurtu behar dute. Ganbekin presta daitezke. Horrela, platerak iodo, burdin, kaltzio, postazio, zink, fosforo eta B3, B9, B12 eta E bitaminak eskuratzen ditu. Hala ere, kolesterolak nabarmen egiten du gora, kontuan hartu beharreko zerbait.