Plan familias 0·12

(sin título)

Zeintzuk dira jaiotza prestatzeko klaseetara joatearen abantailak?

Jaiotza prestatzeko talde batean parte hartzeak haurdunaldiarekin, erditzearekin eta erditze ondorenarekin zerikusia duten ezagutzak eta trebetasunak eskuratzeko aukera eskaintzen dizu, baita zure jaioberriarentzako zaintzei eta edoskitzeari buruzkoak ere.... Taldeek gorputzeko ariketak ere izaten dituzte beren saioetan, eta horien artean, zoru pelbikoko ariketak eta/edo erlaxatzeko teknikak lantzea komeni da. Jakin behar duzu Langileen Estatutuak aitortzen duela amatasun-heziketara joateko ordaindutako baimena jasotzeko eskubidea, betiere lanalditik kanpo egiteko aukerarik ez badago.

(sin título)

Nola babestu behar naiz haurdunaldian bide-segurtasunari dagokionez?

Garrantzitsua da segurtasun-uhala erabiltzea beti eta ziurtatzea uhalaren azpiko aldea triparen azpitik geratzen dela, bolumen handiagokoa denean. Haurdunaldiaren amaiera aldera, baliteke tripa bolantetik hurbilegi geratzea edo gidatzeko jarrera erosoa au...rkitzeko zailtasunak izatea. Halakoetan, hobe da gidatzeari uztea, segurtasunik gabe egin baino lehen.

(sin título)

Zenbat kilo altxa ditzaket gehienez haurdunaldian?

Haurdunaldian altxa dezakegun gehienezko kilo kopuruari dagokionez, zaila da kopuru bat ezartzea. Etengabe eta postura egokirik gabe karga astunegiak altxatzea saihestuko dugu, arazoak sor baititzake horrek, esaterako: Min ziatikoa, lunbagoa, kontrakzioak... edo garrantzi handiagoko egoerak ere bai, hala nola abortua, erditze goiztiarra edo haurrak jaiotzean pisu txikia izatea.

(sin título)

Ama ezkongabea naiz, zer izan behar dut kontuan nire haurdunaldian.

Haurdun bazaude eta ama bakarrik izan behar bazara, garrantzitsua da zure sentimenduak partekatzeko eta babesa jasotzeko pertsonak izatea inguruan. Arazoak edo zailtasunak agertzen badira, pertsonalak edo medikuak, errazago gaindituko dituzu bakarrik sent...itzen ez bazara eta norbaitekin partekatu baditzakezu:
- Erditzean nork lagunduko dizun garaiz bilatzea eta erabakitzea gomendatzen dizugu. Bikoterik ez izateak ez du esan nahi bakarrik joan behar duzunik aurreko bisitetara edo erditzera. Zuk aukeratzen duzun pertsona bat izateko eskubidea duzu: zure laguna, anaia, ama…
- Erditzean zurekin egongo denari eskain diezaiokezu erditzea prestatzeko saioetan zurekin parte hartzeko eta zurekin jaiotza-plana prestatzeko.
Bakarrik haztea erronka bat izan daiteke, emozionalki, praktikoki eta ekonomikoki. Baina hainbat gauza egin ditzakezu presioa arintzeko:
- Familiarik edo lagunik ez baduzu gertu edo gertu izan arren oso positiboa eta erabilgarria izan daiteke ama bakarrik izan diren edo izango diren beste ama batzuk ezagutzea.
- Zure laguntza-sarea antolatzea gomendatzen dizugu, erditzearen osteko lehen asteetarako. Zure lagun eta senitartekoei behar duzun laguntza guztia eskatzeko ez duzu zalantzarik izan behar, zuretzat eta zure haurtxoarentzat onena da. Beste guraso ezkongabeak ere sostengu-iturri ona direla ere ikus dezakezu.
- Onena da bakarrik hazteari eta hezteari buruzko aholkuak eta informazioa bilatzea.
- Zure egoeran izan ditzakezun laguntzez ere informa zaitezke haurdunaldian.

(sin título)

Bainuetxeko zerbitzuak erabil ditzaket haurdun nagoen bitartean?

Haurdunaldian, ur-zurrusta bortitzak, ur-jauziak eta burbuilak saihestu behar dira, sabelean bereziki, eta tenperaturaren bat-bateko aldaketak ere ez dira gomendagarriak (uraren tenperaturak ez du 35ºC-tik gorakoa izan behar). Saunak, bainu turkiarrak et...a jacuzziak (gutxi gorabehera 40ºC inguruko uraren tenperatura mantentzeko programatuak) saihestu behar ditugu; izan ere, horietan dagoen tenperatura altuak tentsioa jaisten du eta gure tenperatura igo ere bai, eta horiek gure umetxoarentzako odol-jarioa arriskuan jar dezakete (batez ere, haurdunaldiko lehenengo 12 asteetan).

(sin título)

Zertan datza emaginaren laguntza?

Emaginak erditzean laguntzeak lau laguntza dimentsio eskaintzen dizkizu: - Informazio-laguntza. Informatzea eta aholkatzea, erraz ulertzeko moduko terminologia batekin, egiten diren jardueren, helburuen eta mugen, erditzearen bilakaeraren eta fetuaren ego...eraren inguruan. - Laguntza fisikoa edo ukigarria. Erosotasuna hobetzen laguntzen duten neurri guztiak eskaintzea da kontua; hala nola, emakumearen arropa eta ohea garbi eta lehor mantentzea, fluidoak kentzea erraztea, ahoko mukosaren hidratazioa mantentzea, jateko aukera eskaintzea edo bainatzeko edo dutxatzeko aukera eskaintzea, besteak beste. Ondoeza edo mina arintzeko neurriak eskaintzea ere hemen sartzen da, hala nola arnas teknikak, masajeak, mugikortasuna eta postura aldaketak. - Laguntza emozionala. Emaginak erditzean bere presentzia jarraitua eskaintzea, jarrera enpatikoa, jatorra, pazientea eta adeitsua mantentzea, hitzezko eta hitzik gabeko lengoia zaintzea ere bai. Sostengu horrek zure autokonfiantza indartzeko balio du, zu indartzeko, zuri entzuteko, zu animatzeko, zoriontzeko eta behar izanez gero lasaitzen laguntzeko. - Ordezkaritza. Zure erabakiak eta nahiak besteei adierazten eta jakinarazten laguntzea da honen funtsa. Emakume guztiek emaginaren babesa izan beharko lukete erditzean.

(sin título)

Hobe da haurdunaldian sexu harremanak saihestea?

Haurdunaldia normaltasunez igarotzen bada, ohiko moduan izan ditzakezu sexu harremanak, ez baitira fetuarentzako inolako arriskuekin lotzen. Haurdunaldiak plazer eta intimitate espazio izaten jarrai dezake zuretzat eta zure bikotekidearentzat, horrek daka...rtzan onurekin.

(sin título)

Nola saiatu toxoplasmosiaren infekzioa prebenitzen haurdunaldian?

Haurdun dagoen orok honako gomendio hauek ezagutu behar ditu: - Aurrez prestatutako edo izoztutako haragiak bakarrik jan. - Lorategi edo baratzeetan lurra ez manipulatu eskularrurik gabe. - Garbitu gordinik jango diren frutak eta barazkiak. - Kutsatuta eg...on daitezkeen katu-gorotzekin kontaktua saihestu, kalera atera eta haragi gordina jan dezaketelako (saguak, txoriak...) edo etxean haragi gordina jaten ematen diedalako.

(sin título)

Zer egin dezaket haurdunaldian erretzeari uzteko?

Lehenengo egunak izaten dira zailenak, sentsazio gogaikarri batzuk nabaritu ditzakezulako: - Erretzeko gogo handia - Lo egiteko edo kontzentratzeko zailtasuna - Urduritasuna edo suminkortasuna - Gose handiagoa, bi edo hiru egunen buruan okerrena pasa egin...go da. Hurrengo gomendioek lagundu ahal dizute prozesu hau hobeto eramaten: - Hobe da tabako kea duten giroak eta erre ohi zenueneko egoerak saihestea. - Likido asko hartu behar duzu, ura bereziki. - Dieta askotarikoa eta zuntz ugarikoa aholkatzen dizugu. - Urduritasun edo gose uneetan, azukrerik gabeko txikleak mastekatzeak lagundu zaitzake. - Kafeina edo kola bezalako edari kitzikagarriak saihestu behar dituzu. - Egokiena da jarduera lasaigarriak bilatzea, erretzeko gogoa sentitzen duzunean (paseatzea, zinemara joatea, ur beroarekin dutxa bat hartzea…). Eta beti gogoratu behar duzu: - Haurdun askok lortu dute, zuk ere egin dezakezu! - Erretzeari uzteko bidean atzera pausuren bat ematen baduzu ere, ez duzu etsi behar. - Nikotinaren ordezkoak erabil daitezke haurdunaldian, zure erreferentziako profesionala orienta zaitzake. - Laguntza taldeak edo laguntza psikologikoa oso baliagarriak izan daitezke pertsona batzuentzat. Ez duzu eragozpenik izan behar zure Osasun Zentroan informazioa eskatzeko.

(sin título)

Haurdunaldiarekin asko kargatzen zait gerrialdea. Zerbait egin dezaket hori arintzeko?

Gerrialdea gainkargatuta sentitzen baduzu, albora begira lo egiteko gomendatzen dizugu, azpian geratzen zaizu hanka luzatuta eta gainekoa tolestuta belaunaren parean kuxin batekin. Posizio horrek gerrialdeko tentsioa arindu egiten du, eta ahuspez lo egite...ra ohituta bazaude, triparentzako leku gehiago uzten duela nabarituko duzu, hau hazi ahala.