Plan familias 0·12

(sin título)

Nola jakin haurdun nagoen?

Haurdunaldiko zeinurik argiena hilekoa ez izatea da. Zure hileroko zikloak ezagutzen badituzu, errazagoa izango zaizu atzerapenaz ohartzea, eta horregatik da garrantzitsua hilero egutegiren batean apuntatzea. Gainera, bularrak puztu egin daitezke, inurrit...u eta nolabaiteko deserosotasuna izan dezakezu. Sabelaren behealdean ere ondoeza izan dezakezu eta, batzuetan, goragalea ere bai.
Zure egoera baieztatzeko, haurdunaldiko test bat erabili dezakezu hilekoa atzeratuta baldin badatorkizu. Farmazian eros dezakezu edo zure Osasun Zentrora joan zaitezke testa egitera. Haurdun egon zaitezkeen zalantzak dituzun bitartean, hobe duzu egongo bazina bezala zaintzea. Haurdunaldia baieztatzea eta jarraipena egitea garrantzitsua dira zure eta zure haurraren osasunarentzat, beraz, ezinbestekoa da zure medikuarengana edo emaginarengana ahalik eta azkarren joatea, hemendik aurrera jarraitu beharreko jarraibideen berri eman diezazun.

(sin título)

Nola funtzionatzen dute haurdunaldiko testek?

Haurdunaldiko hormona hautematen dute haurdunaldiko testek, hau da, teknikoki giza gonadotropina korionikoa (GGK) esaten zaiona. Haurdunaldi normal baten garapenean beharrezko hormona da, eta ernalketa egunetik egun gutxira igotzen da. Zure haurdunaldia b...aieztatzeko, gernu test edo odol analisi bat egin dezakezu.
Gernu testa: laborategian egin daiteke, edo zuk zeuk etxean (etxeko testa). Egiteko erraza eta erosoa da. Atzerapenaren lehen egunetik egin dezakezu, ahal dela goizeko lehen gernuarekin.
Odol analisia: Gernuarena baino zehatzagoa da, hormona lehenago detektatzen baita odol bidez, obulazioaren osteko astebetetik aurrera. Beharrezkoa da laborategi batean egitea, eta hormona kopurua zenbatzeko aukera ematen du, haurdunaldia normaltasunez garatzen bada hamargarren astean bere gailurrera iritsi arte.