Ananazko pastel iraulia

Labea aldez aurretik berotu 175 ºC-tan. Lapiko batean jarri ura, azukrea, eta anana zuritu eta zatitua. Egosi su ertainean irakiten hasten den arte. Sua jaitsi eta egosi beste 15 minutuz. Kendu anana eta utzi xukatzen. Loditu geratzen den likidoa 150 ml inguruko ziropa lortu arte. Hozten utzi. Bildu moldearen oinarria eta aldeak labeko paperarekin eta koipeztatu gurin apur batekin. Gorde. Jarri anana moldearen hondoan eta estali ziroparen erdiarekin. Ontzi batean, nahasi irina, almendra-irina, legamia kimikoa eta gatza. Irabiatu gurina eta azukrea ore harro eta fin bat lortu arte. Banan-banan, erantsi arrautzak nahasketan. Ez bota hurrengo arrautza aurrekoa guztiz integratuta egon arte. Gehitu irina eta buttermilk-a eta nahasi pikorrik gabeko orea lortu arte. Bota orea ananaren gainetik eta leundu gainazala. Sartu labean 60 minutuz edo pastela ziztatu ondoren burruntzia garbi ateratzen den arte. Atera labetik eta utzi egonean moldearen barruan 10 minutuz. Atera moldetik eta jarri zerbitzatzeko platerean Nola egin buttermilk-a: Edalontzi batean bota esnea eta limoi-zukua, nahastu eta utzi egonean 10 minutuz. Lortuko dugun testura esne moztuarena izango da.