Labean erretako berrugeta patatekin

1.-Arrandegian eskatu berrugeta garbitu eta osorik eta irekita prestatu dezaten, labean erretzeko. 2.-Tipulak juliana eran moztu eta patatak zuritu, garbitu eta 1 cm-ko xerratan ebaki. Labeko erretilua estaltzeko adina xerra egin. 3.-Ebaki baratxuriak xerratan eta, ukitu mina eman nahi badiozu, moztu 1 edo 2 kaiena edo pipermin eraztunetan. 3.-Koipeztatu erretilua Oliba Olio BIrjina Estrarekin. Julianan moztutako tipula-ohe bat prestatu eta haren gainean, patatak ipini, erretilua estaliz. 4.-Zure gustura, ardo zuria edo txakolina gehitu eta barazki-salda edo ura bota patatak hidratatzeko eta mamitsu gera daitezen. Gatza, ezkaia, erromeroa eta piperminarekin ondu, zure gustura. Gainetik, Oliba Olio Birjina Estra apur bat gehiago bota. 5.-Labea aldez aurretik berotu ondoren, 40 minutuz erre, goitik eta behetik, 180 graduko tenperaturan. 6.-Erretilua labetik atera eta gainean berrugeta osoa jarri, irekita. Gatza eta Oliba Olio Birjina Estra apur bat gehitu, zure gustura. 7.-Dena batera 20 edo 30 minutuz erre, goitik eta behetik, 180 gradutan eta, jarraian, labeko tenperatura igo eta 10 minutu gratinatzen utzi. 8.-Labetik atera aurretik, azken minutuetan, baratxuriak frijitu (gorritu arte) eta kaiena gehitu. Berrugeta atera eta koilara batekin, olio errea banatu arrainaren gainetik. Txikitutako perrexila hautseztatu eta ozpin apur bat bota.