Legatza sagardoarekin, sagarrez eta mihiluz betea

Prestatu sagardo-erredukzioa: Ontzi ertain batean, bota sagardoa mihilu-haziekin eta 1/4 piperbeltz ale birrinduen koilarakadarekin. Irakiten jarri eta utzi 30 minutuz, murriztu su ertainera, saltsa lodi bat lortu arte. Kendu sutatik, bota katilu txiki batean eta gehitu koilarakada bat oliba-olio birjina estra. Aurrez, berotu labea 180ºC-tan goitik eta behetik. Garbitu eta moztu xerratan sagarra eta mihilua. Ipini zartagin bat sutan, gehitu koilarakada bat oliba-olio birjina estra eta salteatu sagarrak eta mihilua 6-7 minutu inguru, kurruskari gera daitezen. Gorde. Gatzatu legatza. Ondoren, berniza ezazu sagardo-erredukzioarekin. Bete legatza sagar- eta mihilu-xerrekin, eta ondo lotu listariarekin, kozinatzean forma manten dezan eta betegarriak ihes ez egiteko. Ondu gatz-piperrez kanpoaldea eta berniza ezazu sagardo-erredukzio gehiagorekin. Bernizatu beste koilarakada erdi oliba-olio birjina estrarekin laberatuko den erretilua eta sartu bertan legatz-isats betea. Isuri haren gainean gainerako sagardo-erredukzioa. Erre ezazu labean 15-10 minutuz. Atera labetik eta kendu haria. Zerbitzatu errukula eta cherry tomatezko entsalada batekin, eta, jakina, sagardo on batekin.