Eroski

Oilasko eta ziazerba-hanburgesa, batata eta erremolatxa txipekin

Name: Oilasko eta ziazerba-hanburgesa, batata eta erremolatxa txipekin
Total time: 25 min
Yield: 4
Ingredients: Hanburgesak egiteko:; - 350 g oilasko-bularki; - 200 g ziazerba fresko; - 1 baratxuri ale, ernamuinik gabe; - 1 arrautza-gorringo - Gatza eta piperbeltza; - 4 bihi osoko ogi-xerra hazidun (120 g); - 1 tomate, xerratan zatitua; - ½ luzoker xerratan; - Tipula gorrizko uztaiak, ½ tipula; - 1 ozpinetako luzoker; - Kale-ernamuinak (10 g); - Kalonjeak eta uraza-hostoak (uraza-hosto bat, 2-3 kalonje-sorta).; ; Tuberkulu-txipak egiteko:; - ½ batata azaldun garbi; - ½ erremolatxa azaldun fresko garbi; - ½ koilarakada oliba-olio birjina estra; - Gatza; - Ezkai freskoa; ; Guacamole mina egiteko:; - 1 ahuakate; - ½ tipula gorri, brunoise eran txikitua (oso zati txikitan); - 1 koilaratxo tabasko; - ½ tomate fresko brunoise eran txikitua (oso zati txikitan); - Lima-zukua; - 1 martorri-adar; - Gatza

6089 visitas

Zailtasuna: Zailtasun
Denbora
Prezio: Prezio

Nutrizio-sailkapena

Descargar

kcal: 359 18%

Azukreak: 8,93 10%

Koipeak: 13,5 19%

Koipeak saturatuak: 2,37 12%

Gatza: 1,32 22%

5/5 izar. 1 baloraziotan oinarrituta

Prestaketa

Tuberkulu-txipak Labea aurretik berotu, 150 ºC-an airearekin. Patata, erremolatxa eta batata garbitu eta lehortu. Xerra finatan moztu eta olio pixka batekin bernizatu. Labeko paper batean zabaldu itzazu, eta sareta baten gainean jarri. Laberatu 20 bat minutuz, lehor eta txigortu samar egon arte. Labetik atera, gatza eta piperra gehitu. Guacamole mina Tipula eta tomatea fin-fin txikitu. Gorde. Atera ahuakatearen mamia, eta nahastu tipularekin, tomatearekin, lima-zukuarekin eta tabaskoarekin. Txikitu hori guztia sardexka bat erabiliz. Martorria, fin-fin txikitua, gehitu, eta ipini gatz-puntuan. Hanburgesa Txikitu oilasko-bularkia aizto batekin, eta nahastu ziazerba freskoekin, ernamuinik gabeko baratxuriarekin, gatzarekin eta piperbeltzarekin. Elikagai-prozesadore batean birrindu, ore bat lortu arte. Gehitu arrautza baten gorringoa eta nahastu. Orea 4 bolatan banatu eta hanburgesa-forma eman. Hanburgesak plantxan prestatu, zartagin itsasgaitz batean, olio-hari batekin. Platerean aurkeztu Muntatu hanburgesa bihi osoko ogi baten gainean, guacamole mina koilarakada erdiz estalia, uraza-hosto batekin, tomate xerra batzuekin, luzoker freskoarekin eta tipula gorriarekin. Hanburgesa jarri, beste koilarakada erdi bat guacamole mina gehitu, eta kale-ernamuinekin, kalonjeekin eta ozpineko luzoker-xafla batekin koroatu. Tuberkulu-txipekin zerbitzatu.

Nutrizio-aholkua

Plater bakar hau oso osoa da. Guacamolea hanburgesarako saltsa gisa eta patata-, batata- eta erremolatxa-txipak erabiltzea oso originala eta osasungarria da. Nutrizio-propietateak: Kalitate altuko proteina-kopuru handia ematen du, koipe gehiena asegabea da, azukreak barazkietan eta ahuakatean berez agertzen direnak dira, eta egunean gomendatzen den zuntz kopuruaren 1/3 ematen du. Trikimailua. Txipak kuiatxozkoak, azenariozkoak eta abarrezkoak ere izan daitezke. Oso aukera ona dira mokadu gisa, bakarrik edo zabaltzeko kremekin jateko.