Onddo kroketak hur kurruskariarekin

Zartagin handi batean oliba-olio birjina estra jarriko dugu eta bero dagoenean tipulina gehituko dugu, gorritu arte. Irina gehitu eta mugitu egingo dugu arin gorritzeko Pixkanaka esnea gehituko dugu eta mugitzen joango gara bexamel mehe bat lortu arte Onddoak gehituk ditugu txikituta. Gatza, piperbeltz zuria eta intxaur muskatu apur bat botako diogu Azkenik, den bat egindako dagoenean, sutik kanpora arrautza-gorringoa gehituko dugu. Utzi kroketen orea hozten filmarekin estalita. Hobeto egun batetik bestera uzten badugu. (nik pastelgintzako mahuka batean sartzen dut, errazagoa egiten bazait forma emateko) Hurrengo egunean, kroketak egingo ditugu bola forma emanez irin apur baten laguntzarekin. Arrautzetatik, ogi birrindutik eta hur xigortu txikitutatik pasatuko dugu. Kroketei forma eman eta gero, ordu pare batez atseden hartzen utziko diegu estalkia lehortzeko eta frijitzean ez galtzeko. Frijigailu batean oliba-olioa jarriko dugu 175 gradu ingurutan eta 2-3 kroketa besterik ez ditugu frijituko ditugu aldiko. Berehala zerbitzatuko ditugu.