Antxoa-ragouta tipularekin eta ilarrekin
- 0 View bisita
- Zailtasuna
- Zailtasun
- Denbora
- kcal
- 318 16%
- Azukreak
- 5,1g 6%
- Koipeak
- 16g 23%
- Koipeak saturatuak
- 3g 15%
- Gatza
- 0,5g 9%
Prestaketa
Antxoei burua eta barrukiak kendu eta ur hotzetan garbitu ondoren, gatz eta irin pixka batekin hautseztatu eta zartaginean frijituko ditugu oliba-olio pixka batekin. Antxoak gorde egingo ditugu ragoutarekin amaitzeko. Tipuleta, azenario zuritua, piper berdea, tomatea eta baratxuri-aleak brunoise eran (kubo txikietan) txikitu eta antxoak frijitzeko erabili dugun zartaginean sueztituko ditugu su motelean.
Barazkiak eginda daudenean ilarrak gehituko ditugu, eta horiek sueztitu ondoren baso bat ardo gehitu eta erdira urritzen utziko dugu. Baso bat ur gehitu, beste 5 minutuz irakiten utzi, eta gatza botako diogu. Une horretan, frijituta gorde ditugun antxoak gehitu eta minutu bateko irakinaldia emango diegu. Ilarrak biguntzen direnean zerbitzatuko dugu, tipulin zatitu pixka bat gainetik botata.
Oso errezeta zaporetsua da, askotariko osagaiak dituelako eta prestatzeko moduagatik oso urtsua delako. Frijiketak, ordea, oso energetikoa bihurtzen du platera, eta ez da oso egokia zenbait patologia dituzten pertsonentzat: digestio-arazoak, gehiegizko pisua, obesitatea, hipertriglizeridemia, etab. Kasu horietan errezeta egokitu daiteke osagaiak errespetatuz baina prestatzeko modua arinduz. Labea, mikrouhina edo su motelean erregosia egitea aukera egokiak izan daitezke.
Osagaiak (4 pertsonak)
- 400 g antxoa
- 100 g tipuleta
- 2 baratxuri-ale
- Azenario bat
- Piper berde bat
- Tomate bat
- 200 ml ardo zuri
- 200 ml ur
- Tipuleta
- 60 ml oliba-olio
- 50 g irin
- Gatz pixka bat
- 40 g ilar
sReceta online en:
