Eroski

Pikiloz betetako antxoak

Bigarren platera
249 visitas

Zailtasuna: Zailtasun ertaina
Denbora: 30 minututik ordubetera

Descargar

kcal: 217 11%

Azukreak: 1,2 1%

Koipeak: 11 15%

Koipeak saturatuak: 3 14%

Gatza: 1 10%

/5 izar. 0 baloraziotan oinarrituta

Prestaketa

Antxoak ireki eta burua kenduko diegu eta (nahi izanez gero) hezurra ere kendu egingo diegu, banan-banan gatzatu eta geroko utziko ditugu. Kazuelatxo batean, oliba-olio koilarakada bat berotuko dugu oso fin moztutako baratxuri-alearekin eta, baratxuria kolorea hartzen hasten denean, piperrak gehituko ditugu eta, su baxuan, pixkanaka prestatuko ditugu noizean behin mugituz, baina kontu handiz, puska ez daitezen. Piperrak prestatu ostean, (15-30 minutu), erditik zatituko ditugu. Irekitako antxoa bat hartuko dugu, gainean piper-xafla bat jarriko diogu eta gainean beste antxoa bat. Antxoa eta piper sorta bi aldetatik irin-arrautzeztatuko dugu eta bi aldetatik frijituko dugu oso bero dagoen olio askotan 2 minutuz. Paper xurgatzaile duen erretilu batera aterako ditugu gehiegizko olioa aska dezaten eta, ondoren, erretilu batean jarriko ditugu letxuga-, tomate- eta tipula-entsalada batez lagunduta, esaterako.

Nutrizio-aholkua

Irin-arrautzeztatutako antxoak arrain mota hori jateko modu ohikoenetako bat da, eta errezeta erraz honek dietan gehitzeko aldaera erakargarri eta osasungarri bat eskaintzen digu. Antxoa arrain urdinen taldean sartzen da eta omega 3 motako koipe polisaturatu ugari izateagatik ezagutzen dira. Gantz hori oso onuratsua da osasun kardiobaskularrerako. Azterketek erakusten dutenez, erregularki arrain urdina kontsumitzen duten pertsonek (oso ohikoa dieta mediterraneoan) arrain hori jaten ez dutenek baino bihotzeko gutxiago dituzte. Gantz mota horrek, intxaurretan ere aurki daiteke, kolesterol "txarra" (LDL) eta odoleko triglizeridoak gutxitzen dituzte, eta kolesterol "ona" (HDL) igotzen laguntzen du. Sardinak eta antxoak bezalako arrain txikiak, askotan hezurra eta guzti ere jaten dira, kaltzio-iturri bikainak dira. Gainera, arrain koipetsuek A eta D bitamina lipodisolgarri kantitate handia dute; azken hori beharrezkoa da organismoak kaltzioa xurga dezan. Esnekiak toleratzen ez dituzten pertsonentzat alternatiboa oso osasungarria da mineral horren beharrak estaltzen laguntzeko. Irin-arrautzak platera koipetan aberasten du eta, beraz, ez da gomendatzen askotan jatea, dietatik kaloriak gutxitu behar izanez gero. Askotariko barazkiz egindako laguntzaile bat aparta da errezeta honen balio nutritiboa osatzeko.