Txerri-azpizuna barrengorriekin eta aranekin

Lotu azpizuna, eta gatza eta piperra bota. Zartagin batean, bota koilarakada bat oliba-olio birjina estra, eta zigilatu azpizuna alde guztietatik. Gorde beroan. Zartagin berean, gehitu beste koilarakada bat oliba-olio birjina estra, eta sueztitu tipula bi baratxuri-ale birrindurekin batera. Garden bihurtzen denean, gehitu laurdenetan ebakitako barrengorriak eta utzi gorritzen. Gehitu laranja-zukua, salda, aranak eta orejoiak. Ipini azpizuna laberako erretilu batean, eta estal ezazu saltsarekin. Gehitu erromero freskoaren adar batzuk eta ezkai-hosto batzuk. Laberatu 10 minutuz, 190 ºC-an, goitik eta behetik. Beharrezkoa izanez gero, gehitu salda pixka bat. Eman buelta azpizunari eta estali saltsarekin. Igo labeko tenperatura 200 ºC-ra, eta utzi labean beste 8-10 minutuz. Atera azpizuna eta kendu soka. Kendu belarren adarrak, orejoiak, aranak, mahaspasak eta barrengorriak, eta iragazi saltsa txano batekin (irabiagailua erabiliz gero, tipula daramanez, kolorea eta testura galduko dira). Saltsa birrindu ondoren, gehitu hur xehatu finak, barrengorriak, orejoiak eta aranak, eta eman guztiari buelta bat zartaginean. Zerbitzatu azpizuna xerra loditan moztuta, lagundu haren saltsarekin eta gehitu erromero eta ezkai freskoen ukitua.