A franquía comercial xurdiu en EROSKI na década dos setenta. A partir dos noventa aparece a franquía como unha oportunidade de crecemento para empresarios con espírito emprendedor.

Nos comezos a franquía nace coa insignia Aliprox, pero na actualidade operamos con dous sistemas ou insignias de franquía:

• O franquiado ALIPROX é unha fórmula de cooperación entre dúas partes ligadas por un contrato. Os ALIPROX son establecementos de proximidade, de 250 a 700 metros cadrados, situados en poboacións urbanas dun mínimo de 2.000-2.500 habitantes. Operan baixo políticas comerciais definidas por EROSKI e ofrécenlles aos clientes un servizo completo de alimentación (con marcas de fabricante e coa marca propia EROSKI) e de liderado en frescos.
• A franquía Integral EROSKI/city é tamén un sistema de cooperación entre dúas partes ligadas por un contrato e a opción máis axeitada para o cliente xestor/investidor con ganas de aprender e de profesionalizar o seu negocio. Con esta franquía o investidor asume os compromisos da insignia EROSKI/city, o seu modelo físico e comercial, as ferramentas de fidelización, etc. Ofrecémoslle un servizo integral de alimentación, cunha rendibilidade e imaxe comercial axeitada para o desenvolvemento do seu negocio, apoiado en sistemas de información avanzados. Contamos cun servizo de aprovisionamento adaptado ás súas necesidades en cada momento e cun servizo de formación e apoio comercial continuado e esmerado. Somos transparentes e serios nas relacións comerciais e implicámonos no éxito do negocio. O cliente final percibe EROSKI/city como un establecemento próximo, que se distingue doutros polos seus produtos frescos, con bos prezos nos produtos básicos, onde facer a compra é cómodo e rápido. Os franquiados están xestionados por un equipo de trato persoal próximo e atento e transmítenlles confianza aos clientes, que atopan unha gama suficiente que lles permite satisfacer as necesidades de compra cotiá do seu fogar. Os franquiados EROSKI/city son centros de entre 250 e 450 metros cadrados. Actualmente contamos con máis de 285 centros franquiados repartidos por toda España e cunha antigüidade de permanencia media de 12 anos, o que avala a satisfacción dos nosos clientes.

• Seguridade, garantía e futuro: EROSKI/city e Aliprox ofrécenche unha boa posición de mercado, xa que te beneficias da experiencia e do respaldo de EROSKI.
• Iniciativa: ti es o dono do teu negocio.
• Alta competitividade disporás dunha gran gama de produtos aos mellores prezos, tanto na marca de fabricante coma na marca propia EROSKI. Ademais, asegurámosche os produtos frescos coa mellor calidade.
• Imaxe de marca: disporás dun plan publipromocional (folletos e carteis) constante para potenciar as vendas e a imaxe.
• Sistemas de fidelización: : pomos á disposición do cliente a tarxeta EROSKI Rede Visa, que permite efectuar os pagamentos comodamente, e mais a tarxeta Travel Club, que premia as compras con puntos para cambialos por regalos.

• Análise de recursos e necesidades de financiamento: ofrecémosche un estudo de mercado, plan de viabilidade, estudo de tesouraría e conta de explotación.
• Busca do local: orientámoste sobre as zonas de interese, metros que precisas, etc.
• Asesoramento:
  1. O aproveitamento do espazo é vital para dispores da gama necesaria que precisan os nosos clientes. Deseñámosche o centro para optimizares o espazo que tes dispoñible. Ademais, pomos á túa disposición todo o noso coñecemento sobre os provedores/oficios que necesites para ter a túa tenda preparada para vender. Contarás co noso asesoramento durante todo o proceso.
  2. Formación: asegurámosche unha formación ampla que abrangue todos os aspectos do negocio. Amais da formación inicial, disporás de formación, asesoramento e apoio comercial continuado con posterioridade á apertura do negocio.
• Ferramentas: facilitámosche todas as ferramentas tecnolóxicas modernas e avanzadas para unha xestión eficiente da túa tenda.
• Servizo loxístico: ofrecémosche un servizo loxístico adaptado ás necesidades de cada cliente, xa que dispomos de plataformas propias tanto de frescos como de alimentación.
• Equipos de mercadotécnia: colaboramos nas tarefas de montaxe e implantación para garantir a apertura.
• Plan publipromocional: contarás cun plan específico para a apertura adaptado ao teu negocio e mais dun plan continuado que facilite o crecemento do teu negocio.

Se queres dirixir o teu propio negocio, tes capacidade de xestión, carácter emprendedor, don de xentes e estás interesado en investir nun negocio con éxito, aproveita esta oportunidade e ponte en contacto connosco:

Para enviares un correo electrónico, preme aquí.