que é infoXogo?
infoXogo é unha campaña de EROSKI para a formación e información ao consumidor dentro do seu
programa Aulas de Consumo e pretende asesorar o consumidor para a compra responsable de videoxogos, xoguetes,
telefonía móbil e tecnoloxía como regalo infantil. Dentro da campaña, atoparás
información nos seguintes medios:
- Pide a Guía da Asesoría Pedagóxica para a compra de Xoguetes no teu Hipermercado EROSKI habitual.
- Atopa os principais consellos nos carteis informativos dos andeis na tenda, a rentes dos produtos.
- Tes unha extensa reportaxe na túa revista EROSKI CONTIGO.
Ademais, contas cun servizo de Asesoría Pedagóxica personalizada para todas as túas dúbidas e
para recibires a información pedagóxica adicional que precises:
- Teléfono da Asesoría Pedagóxica personalizada: 902 540 846. Pola mañá, de 10 h a 14 h e, pola
tarde, de 15:30 h a 19:30 h
- Tes unha persoa experta da Asesoría Pedagóxica infoXogo disposta a te axudar na sección de videoxogos do teu Hipermercado
EROSKI habitual. Máis de 150 pedagogos e psicólogos responderán as túas dúbidas e poderante aconsellar sobre
que videoxogos son máis axeitados para cada idade, dende o 5 de decembro deica o 5 de xaneiro.
De precisares información máis especializada sobre xoguetes para nenos con algún tipo de minusvalidez, non dubides tampouco
en utilizar a Asesoría Pedagóxica infoXogo: tamén pensamos neles.
Que requisitos debe cumprir un bo xoguete?
- Débese adaptar aos gustos e necesidades do neno.
- Debe ser adecuado á idade do neno e ao seu nivel madurativo.
- Deben ser de tipoloxía variada, así poden aprender máis.
- Debe ter un valor lúdico. Os xoguetes son para que o neno aprenda divertíndose.
- Debe ser sólido e duradeiro.
- Debe ser seguro. Os xoguetes que cumpren a normativa de seguridade vixente levan impreso CE no envase.
- Débese elixir sen facer distincións no tocante ao sexo.
- É recomendable evitar as referencias a temas bélicos.
- Xa para rematar, cómpre lembrar que mercar xoguetes nun establecemento da súa confianza, como EROSKI, é
sempre unha garantía.
