Guakamolea sukaldeko robotarekin

Ontzian jarriko ditugu tipula xehatuta, tomatea hazirik gabe eta zatituta eta martorria. Birrindu funtzioa sakatuko dugu. Nahastea ontzitik atera eta gerorako gordeko dugu. Ontzia garbitu gabe, ahuakatea erditik zatitu, hezurra kendu eta koilara batekin mamia atera eta ontzian botako dugu. Nahi dugun limoi-zuku eta gatz kantitatea botako dugu. Minutu batez 4. abiaduran birrintzeko programatuko dugu. Lehenago gorde dugun nahastea gehitu, gatz puntua doitu eta beste10 segundo programatuko ditugu 2. abiaduran, alderantzizko biraketan. Hozkailuan gordeko dugu. Tortilla bakoitza bi zatitan ebaki eta, ondoren, berriz zatituko dugu natxo formako hiruki txikitan. Zartagin batean oliba-olioa berotu eta urre-kolorea hartu arte frijituko ditugu natxoak. Paper xurgatzailearen gainean jarriko ditugu. Guakamolea etxean egindako natxoekin batera zerbitzatuko dugu.