Poke bola kinoarekin, izokinarekin eta ahuakatearekin

1.-Egosi kinoa ur irakinetan gatzarekin, 12 minutu gutxi gorabehera edo ontziak adierazten duena. Ondoren iragazi, egosketa ur hotzarekin eten eta nahastu hozten buka dadin eta hala haziak pilakatuta gera ez daitezen. 2.-Ebaki izokin-solomoa dadotan, mokadu tamainan, 1etik 2ra cm bitartean. 3.-Bol batean, jarri izokin guztia eta marinatu sesamo-olio xigortuarekin, soja gatz gutxikoarekin eta hautseztatu sesamo-haziak. Erreserbatu hozkailuan, gainerako osagaiak prestatzen ditugun bitartean. 4.-Ebaki aza gorria juliana finean. 5.-Oso ongi garbitu pepinoa, muturrak kendu, erditik ebaki bat egin, koilara batekin haziak kendu eta ebaki ilargi erditan azal eta guzti. 6.-Labana batekin ebaki bat egin ahuakatearen erditik, kendu hezurra kolpe lehor batekin eta atera. Koilara batekin atera ahuakatearen mamia. Laminatu ahuakateak eta erantsi lima 1en zukua, oxidatu edo belztu ez daitezen. 7.-Iradokizun bat poke bola platereratzeko: jarri kinoa egosia oinarrian, gehitu ahuakate laminatua bolaren alde batean, lamina-erdiak gainjarriz. Beste aldean jarri aza gorri ebakia, atzean jarri pepinoaren ilargi erdiak, erdian jarri wakamea eta honen inguruan izokin marinatua. Gozatu bol guztia, soberan geratu den izokin-marinatuarekin. Nahastu dena eta jan.