Patatak Errioxako erara

Osagaiak prestatuko ditugu: baratxuri-aleak xaflatan ebakiko ditugu. Tipula brunoise-eran eta txorizoa xerratan moztuko ditugu. Patatak zuritu, garbitu eta zatitan kraskatuko ditugu. Lapiko batean, baratxuria oliba-olio birjin estran frijituko dugu. Tipula gatz apur batekin sueztituko dugu. Tipula gardena dagoenean, txorizoa gehitu eta su eztian sueztituko dugu, patatak gehitu eta 2 minutuz sueztituko dugu guztia mugituz osagaiak nahasteko. Nahi den piperrautsa gehitu eta nahastu egingo dugu. Erramua bota, patatak urez estali eta sua igoko dugu irakiten hasi arte, gatza gehitu, (suaren indarra jaitsi) eta su leunean egosiko dugu 30 minutuz. Denbora igarotakoan, 10 bat minutuz utziko dugu atseden hartzen, patataren bat zapalduko dugu salda loditzeko, gatza ondo dagoen ikusi eta bero aterako dugu mahaira. Gisatua arinagoa egin nahi badugu, txorizo ur irakinetan egosi dezakezu 10 minutuz eta platerari grasa ken diezaiokegu amaiera, koilarearekin gainazaleko koipe gorriska kenduz.