Azalore-krema roquefort gaztarekin

Kazola handi batean, jarri olioa berotzen su ertainean Erantsi fin xehatutako tipulina eta baratxuri birrindua. Gorritzen utzi Erantsi garbitutako eta moztutako azalorea eta patata eta pare bat buelta eman ondoren, utzi sueztitzen bi minutuz. Erantsi salda edo ura, igo sua eta irakiten hasten denean, utzi egosten 20-25 minutuz, kazola erdi estalita, azalorea eta patata samur egon arte. Birrindu dena eskuzko irabiagailuarekin edo irabiagailu amerikarraren ontzian, pikorrik gabeko krema bat lortu arte. Oso lodi geratu dela ikusten baduzu, salda edo ur pixka bat gehitu dezakezu orain eta, aldiz, testura oso urtsua duela uste baduzu, utzi lurruntzen su ertainean kazola estali gabe. Testura lodia eta arina izan behar du. Eraman krema berriz kazolara, jarri su ertain-txikian eta erantsi roquefort gazta papurtua. Eman buelta batzuk desegiten den bitartean. Gehitu piperbeltz birrindu berria eta beharrezkoa bada, gatz apur bat, gaztak ere gatza ematen baitio. Erantsi limoi-ezkai freskoaren hostoak. Bero zerbitzatu eta apaindu madari-xerra batzuekin (freskotasun-ukitua emateko), limoi-ezkaiaren hostoekin eta askotariko haziekin. Oharra: krema soberan geratzen bazaizu, izoztu errazio bakarreko tupper indibidualetan; nota altuarekin konponduko dizute edozein bazkari edo afari.