Barazki-entsalada labean eta dilistak

Eltze batean, su ertain-altuan, dilistak ur geza ugaritan ipini.  Irakiten hastean, jaitsi sua eta kozinatu 20 minutuz edo samur egon arte. Atera dilistak, urberritu  ur hotzarekin eta utzi xukatzen. Gorde. Jarri labea 200 ºC-tan berotzen. Zuritu eta zatitu kalabaza eta erremolatxa 2 cm inguruko zatietan.  Jar itzazu katilu handi batean, gatzaz eta piperraz ondu, gehitu oliba-olioa, ongi nahastu eta pasatu azpil batera labean sartzeko. Labekatu 20 minutuz, bigundu eta pixka bat txigortuta egon arte. Ebaki tipula zati txikitan. Gorde. Katilu batean ozpina, gatza eta piperbeltza irabiatu, gatza ozpinean disolbatu arte.  Eztia, Dijon mostaza eta oliba-olioa gehitu, eta sukaldeko hagaxkarekin irabiatu osagaiak emultsionatu arte. Dilistak erretiluan ipini, erretako barazkiak, tipula eta errukula gehitu, eta nahastu. Eztizko olio-ozpina gehitu ondoren, nahastu berriro.