Barazki sueztituz beteriko patata-lasagna.

Baratxuria zerrendatan moztu eta zartaginean olio pixka batekin horituko dugu. Juliana eran moztutako tipula, kuiatxoa xerratan eta lekak zatituta botako dizkiogu. Hozkailuan dugun beste edozein barazki erabil dezakegu. Tapa jarri eta su ertainean kozinatuko dugu 20 minutuz. Gatza bota eta iragazkitik pasako dugu, egosketaren ura kentzeko. Gerorako gordeko dugu. Patatak zuritu eta xerra finetan moztu ostean, 5 minutuz gatz-uretan egosiko ditugu. Platera antolatzeko uztai batekin, patata eta barazki geruzak txandaka jarriko ditugu. Gazta bota gainetik eta labera sartuko dugu gratinatzeko. Etxeko tomate-saltsa beroaren gainean zerbitzatuko dugu.