Barazkiak curryarekin azalore-kuskusa eta ondutako ziazerbekin

Berotu labea 230ºC-tan goitik eta behetik.  Garbitu ongi batata, azenarioak eta erremolatxa txorrotako urarekin eta, beharrezkoa balitz, eskuila baten laguntzaz, kendu lur-arrastoak, azal eta guzti sartuko ditugulako labean. Ebaki barazkiak ziri-forman eta azenarioak erditik luzetara. Jarri labeko erretilu batean  Bota oliba-olio birjina estra, limoi-zukua, currya, gatza eta piperbeltza, eta nahastu ongi, barazki guztiak nahaste horrekin ongi bustitzeko.  Laberatu 30 minutuz.  Barazkiak erre bitartean, prestatu azalorezko kuskus faltsua. Birringailu lodi batekin edo robot batekin motor-kolpeak emanez, birrindu azalore sortak kuskus-testura lortu arte.  Jarri zartagin bat sutan 1 koilarakada oliba-olio birjina estrarekin, eta gehitu tipulin txikitua. Utzi gorritzen 10 minutuz. Gehitu  azalore birrindua eta usain-belarrak, eta utzi egiten pare bat minutuz.  Gehitu koko-esnea, mugitu eta utzi egiten beste pare bat minutu gehiago. Ez dugu pure bat lortu nahi, kurruskaritasun hori galtzea baizik.   Gehitu mahaspasen eta anakardo txigortu eta txikituen erdiak. Nahastu eta bota gatza eta piperbeltza nahieran. Gorde geroko.  Prestatu ziazerben ongailua oliba-olio birjina estra, ozpina, gatza eta piperra emultsionatuz.  Prestatu platera. Horretarako, jarri ziazerbak bere ongailuarekin eta geratzen den mahaspasen eta anakardo txikituen beste erdiarekin; alboan azalorezko kuskus faltsua martorri fresko txikitua gainetik botata eta barazki erreak curryarekin.