Bi koloreko barazki-krema

ORBURU-KREMAREN PRESTAKETA Garbitu orburuak. Garbi daudenean, moztu lau zatitan eta utzi ur hotzetan perrexil apur batekin, herdoildu ez daitezen. Berotu olio koilarakada pare bat burruntzali batean eta sueztitu tipulina eta baratxuria. Garden daudenean, erantsi patata eta orburuak, salteatu eta erantsi barazki-salda, osagaiak estali arte. Utzi egosten, patatak eta orburuak samurtu arte. Erantsi esne-gaina, itxaron nahasketak berriz irakiten duen arte eta birrindu. Bota gatza eta piperbeltza eta kendu sutatik. ZAINZURI-KREMAREN PRESTAKETA Garbitu eta erantsi zainzuriak gurinez koipeztatutako burruntzali batera. Salteatu eta estali oilasko saldarekin. Samurtu orduko, birrindu gaztarekin batera. Beharrezkoa bada, bota gatz eta piperbeltz gehiago Amaitzeko, zerbitzatu orburu-krema kaiku garden batean (erditik baino apur bat gorago iritsi arte) eta gainean, zerbitzatu zainzuri-krema.