Fruta-izozkien trikimailua

Oharrak: 1.-Izozkietan fruta-zaporeko geruzak egiteko, izozte-denborak minimoak izan behar dira edo geruza bakoitza arinki gogortu artekoa. Modu horretan, lehenbiziko 2 geruzak ez dira gogorregi geratuko eta izozki-makiletan sartu ahal izango dira. 2.-Fruta-zatiekin eta zukuarekin nahas daiteke. 3.- Moldeek tokia ez okupatzeko, egun bat baino gehiago izozkailuan eman eta gero atera daitezke, moldetik atera eta izozteko poltsetan edo tupper batean sar daitezke, film edo aluminiozko edo laberako paper batekin bereizita. LANKETA: ANGURRI, PAPAIA ETA MELOIZKO IZOZKIAK: 1.-Angurria, papaia eta meloia zuritu, zatitu eta bakoitza bere aldetik irabiatu. 2.-Moldeak angurri-zukuaren lehenengo geruzarekin batekin bete. Izozkailuan sartu 30 minutuz gutxi gorabehera (izozkailuaren eta frutaren arabera) edo arinki gogortu arte, geruza bat hurrengoarekin ez nahasteko. 3.-Izozkailutik atera eta papaia-zukuaren bigarren geruzarekin bete. Sartu berriro izozkailuan 30 minutuz gutxi gorabera (izozkailuaren eta frutaren arabera) edo arinki gogortu arte, geruza bat hurrengoarekin ez nahasteko. 4.-Izozkailutik atera eta meloi-zukuaren hirugarren geruza bete. Makilak jarri eta sartu berriro izozkailuan egun batez edo gehiagoz. ARAN, MERTXIKA EDO BRINOI ETA ABRIKOT IZOZKIAK: 1.-Arana, mertxika edo brinoia eta abrikota garbitu, zuritu, zatitu eta bakoitza bere aldetik irabiatu. 2.-Izozki-moldeak aran-zukuaren lehenengo geruzarekin bete. Izozkailuan sartu 30 minutuz gutxi gorabehera (izozkailuaren eta frutaren arabera) edo arinki gogortu arte, geruza bat hurrengoarekin ez nahasteko. 3.-Izozkailutik atera eta mertxika- edo abrikot-zukuaren bigarren geruzarekin bete Sartu berriro izozkailuan 30 minutuz gutxi gorabera (izozkailuaren eta frutaren arabera) edo arinki gogortu arte, geruza bat hurrengoarekin ez nahasteko. 4.-Izozkailutik atera eta abrikot-zukuaren hirugarren geruza bete. Makilak jarri eta sartu berriro izozkailuan egun batez edo gehiagoz. KIWI ETA ANANA IZOZKIAK ETA MARRUBI ETA MANGO IZOZKIAK: 1.-Kiwia, marrubiak, anana eta mangoa garbitu, zuritu, zatitu eta bakoitza bere aldetik irabiatu. Kiwia eta marrubia xerra finetan moztu. 2.-Izozki-moldeen paretetan 1 edo 2 xerra kiwi itsatsi, eta beste moldeetan 1 edo 2 xerra marrubi. Kiwi-zukuaren lehenengo geruzarekin bete eta besteetan marrubi-zukuarekin. Izozkailuan sartu 30 minutuz gutxi gorabehera (izozkailuaren eta frutaren arabera) edo arinki gogortu arte, geruza bat hurrengoarekin ez nahasteko. 3.-Atera izozkailutik eta anana-zukuaren bigarren geruza bete kiwi-izozkiak egiteko, eta mango-zukuarena marrubizkoak egiteko. Sartu berriro izozkailuan 30 minutuz gutxi gorabera (izozkailuaren eta frutaren arabera) edo arinki gogortu arte, geruza bat hurrengoarekin ez nahasteko. Bi koloretakoak edo 2 zaporetakoak egin daitezke, edo, nahi izanez gero, hiru koloretakoak edo 3 zaporetakoak, 3. geruza modu honetan betez: 4.-Izozkailutik atera eta 3. geruza konbinatu esnekiekin betez (jogurt naturala, grekoa, kefirra edo gehien gustatzen zaizkizun landare-esneak). Aukera moduan, azkeneko geruza hori agabe- edo astigar-ziropa pixka batekin goza daiteke. Makilak jarri eta sartu berriro izozkailuan egun batez edo gehiagoz.