Leka-krema sukaldeko robotarekin

Edalontzira botako dugu tipula, laurdenetan zatituta, eta Birrindu funtzioa sakatuko dugu. Espatularen laguntzarekin ontziko paretetan geratutakoa jaitsiko dugu. Oliba-olioa botako diogu eta 10 minutuz 2. abiaduran eta 120 ºC-ra kozinatzeko programatuko dugu Alderantzizko Biraketa moduan. Barazki edo oilasko salda gehitu, eta saskian jarriko ditugu patatak, zurituta eta kubotxoetan zatituta. Saskia edalontzian sartu eta 30 minutu programatuko ditugu Lurrun funtzioan. Patatak dituen saskia atera eta gerorako gordeko dugu. Edalontzira botako ditugu lekak zatituta eta martorria, eta 10 minutu programatuko ditugu Lurrun funtzioan. Gordetako patatak, esnegaina eta nahi dugun gatz eta piperbeltz kantitatea gehitu, eta 2 minutuz 6. abiaduran birrintzeko programatuko dugu. Pixkanaka abiadura handituko dugu. Jarraian, minutu eta 30 segundoz 9. abiaduran birrintzeko programatuko dugu, eta pixkanaka abiadura handituko dugu. Testura begiratuko dugu, eta krema finagoa nahi badugu, nahi beste ur gehitu eta segundo batzuk gehiago programatuko ditugu abiadura berean. Zopa berotutako edo frijitutako urdaiazpiko ondu zatiekin zerbitzatuko dugu. Aholkua: Errezeta hau ilarrekin ere egin daiteke.