Zenbait frutari hezurra kentzeko trukuak

1.-Gereziak: Aizto txiki edo sastakai batekin, moztu gerezia erditik, kirtenetik beheraino. Biratu 2 erdiak bakoitza alde baterantz. Bereizi 2 erdiak eta koilaratxo edo bolak egiteko tresna txiki batekin hezurra atera. 2.-Muxika, nektarina, albertxikoa, paraguaioa, okarana: Aizto txiki edo sastakai batekin, moztu 4 zatitan, albertxikoa izan ezik, zeina 2 zatitan moztuko den, kirtenetik beheraino. Leuntasunez, zati bakoitza bestearen aurkako alderantz bidatu. Bereizi, ireki fruta eta atera hezurra. 3.-Mangoa: Aizto handi batekin, moztu apur bat beheko muturra (kirtenik ez duena) oinarria egiteko. Jarri mangoa mozteko taularekiko bertikalean. Moztu mangoa hezurraren inguruan 2 zati handitan banatzeko. Ertzak eta soberan dauden txikiak ere moztu eta azala kendu. Pasatu aiztoa hezurraren ingurutik eta joan itsatsien dagoen mangoaren mamia mozten. 2 zati handiekin, egin luzeran hainbat mozketa eta beste batzuk beste alderantz: karratuak sortzen joango dira. Pasatu aiztoa azalaren ingurutik karratuak ontzira erortzen joan daitezen. 4.-Ahuakatea: Aizto handi batekin, moztu erditik ahuakatea, kirtenetik beheraino. Biratu 2 erdiak bakoitza alde baterantz. Bereizi 2 erdiak eta, aiztoarekin, kontu handiz, kolpe trinkoa eman hezurraren erdian, hartan sar dadin. Biratu eta hezurra askatuko da ateratzeko. Azalaren eta mamiaren artetik koilara bat pasatu ahuakatearen mamia ateratzeko. Ez dadin belztu edo oxidatu, gorde ezazu hezurrarekin edo zipriztindu limoi edo lima zuku apur batekin.