Eroski

Entrecosto de tenreira con tomate á provenzal

Name: Entrecosto de tenreira con tomate á provenzal
Total time: 25 min
Yield: 4
Ingredients: 600 g de entrecosto de tenreira; 2 tomates; 2 dentes de allo; 20 g de pan relado; 40 ml de aceite de oliva; Pirixel; Tomiño; Un chisco de sal; Pementa

0 View visita

Dificultad: Dificultad baixa
Tiempo: Menys de 30 minuts

Descargar

kcal: 230 12%

Azúcares: 2,5g 3%

Grasas: 8g 12%

Grasas saturadas: 3g 17%

Sal: 0,5g 9%

1 de 5 estrellas. Basado en 1 valoraciones

Modo de preparación

Cortamos os tomates pola metade en sentido perpendicular. Premémolos para quitarlles as sementes, salgámolos un pouco e deixámolos invertidos para que escorran. Quentamos o aceite nunha tixola, botamos os tomates coa cara do corte cara abaixo e, cando empecen a cociñarse e a pel se levante polas beiras, dámoslles a volta. Mentres frixen, pelamos e picamos os allos á brunoise -picadiño moi miúdo- e mesturámolos co pan relado. Cando os tomates empecen a confeitarse, sacámolos da tixola e poñémolos nunha fonte de forno. Na mesma tixola dos tomates engadímoslles o pan relado, o pirixel picado co tomiño seco e o allo e douramos esta mestura. Unha vez torrada, esparexémola sobre os tomates. Introducimos no forno xa quente a 180 ºC durante 10 minutos, tendo coidado de no resecalos. Cociñamos os entrecostos na prancha ou na tixola antiadherente cun pouco aceite de oliva, volta e volta, e engadímoslles sal cando xa están cociñados. Servimos os entrecostos acompañados dos tomates á provenzal.

Consejo nutricional

A carne de tenreira é unha das máis consumidas, xa que ademais de ser fonte de proteínas de boa calidade, presenta un sabor moi agradable e unha textura adecuada. Neste caso a carne cocíñase canda o tomate, que ademais de darlle cor ao prato, vaille achegar diferentes vitaminas e antioxidantes. Para a condimentación desta receita utilizamos ingredientes como tomiño, allo, pirixel ou pementa, que lle van dar un sabor moi especial e poden facer que mesmo sexa posible prescindir do sal, algo que pode resultar beneficioso para as persoas que presenten problemas de hipertensión ou de retención de líquidos.