Sopa de soia mungo (soia verde)

Como legume que é, conta con todos os seus beneficios; de feito, as diferenzas entre os distintos legumes son, no mellor dos casos, bastante pequenas. Así, certos legumes teñen máis fibra dietética; outros máis cantidade dalgunha vitamina e outros destacan polo contido en determinados antioxidantes ou substancias fitoquímicas. Mais o certo é que as investigacións dispoñibles apuntan a que todos os legumes parecen exercer os mesmos beneficios, que son moitos, tanto para a saúde como incluso para o medio natural. Ao ser unha sopa, o seu contido calórico non resulta moi alto, dada a gran cantidade de auga que leva o prato. Ademais, ao acompañarmos a soia coas espinacas, evitamos que se eleve a achega calórica e engadimos outros beneficios como máis fibra, vitaminas e minerais. Entre as vitaminas destacadas das espinacas están a provitamina A e a E, e vitaminas do grupo B; entre os minerais salientan o calcio, o ferro, o magnesio, o potasio e o sodio, ademais de presentar tamén boas doses de fósforo e iodo